17-07-2008, 07:27 PM
|
#1 |
 | | الجنة غايتي |
تاريخ التسجيل: Jan 2008 الدولة: "’::.هذة نجـواى:.::"’
المشاركات: 1,218
قامت بالشكر: 0
تم شكرها 1 مرة في 1 موضوع
|  تُِِّْنْشًِْدًٍ عًٍنْ آلحٍّآل شًِْفْتُِِّْ آلحٍّآل يَآ مًشًِْعًٍل,, | |
 القصيده اعجبتني واتمنى ان تنال على اعجابكم.... البارحه ما هجعت الليـل يـا مشعـل
والهم بالقلب سردادي ومـردادي
هوجاس يقفي وهوجاس ٍ يجي مقبـل
اصبحت منجوم لا عـارف ولا قـادي
الحزن بين الضلوع الاصعب الاسهـل
صعب ٍ تفاديه ولكن سهل يزدادي
هـم ٍ مسلـح غـزا خفاقـي الاعـزل
وشلون أبرقد وهمي حارب ارقادي
على وليف ٍ رحل ما قلت لـه يرحـل
يبعد وانادي وأغص شوي وأنادي
أنا أعرفه زين ما يبغض ولا يزعـل
ويغفر خطاياي لامن زدن بعنـادي
هو ليه يوم العواذل جوه مـا يسئـل
وشلون فيني تسمّع هـرج حسـادي
مير المصيبه بعاده شـي مـا يعقـل
غدا وانا صرت مثله بالدهر غـادي
ماني مصدق يخلـي دمعتـي تنـزل
وماني مصدق يعكر جوي الهـادي
الصاحب اللي يشابه عوده المغـزل
اللي نعومة خدوده تقهر الكـادي
الحسن كله يجي من طرفه الاكحـل
متسلم ٍ بالعـذارى مركـز قيـادي
نقوة فؤادي كريم أخـلاق ومكمـل
لكن عسا الله يرجـع نقـوة فـؤادي
بعض النوى يقتلك من دون ما تقتل
ياخوك قله ترا الظالم هـو البـادي
تنشد عن الحال شفت الحال يا مشعل
ما عدت أجامل وأرد بردي العادي  |
|  |