السلام عليكم ورحمة الله وبركاته
مبروووووووووووك على العطلة

وبدت العطلة وبدى الزهق فيها
وبدى الفراغ يغزو عقولنا < داخله حرب

وفيه منّا من يقتل هذا الفراغ
من يقضي 12 ساعة على النت ويطبق 12 ساعة نوم < اتحدى في واحد كذا
وفيه من يعرعر يعني يتسكع في المقاهي وأنواع المباريات وقهوة جاية وقهوة راجعة

واللي شغّال على البلاي ستيشن اربع وعشرين ساعة < فقط للتماسيح

واللي تنام بيت عماتها وجدتها وخالاتها < لللصبايا فقط

وأفلام رايحة وجاية ، ومسرحيات وهات الضحك

والتلفزيون طبعاً النصيب الأكبر في هالشي ، يعني التلفزيون اربع وعشرين ساعة شغّال ما يطفي مومهم نتابعه المهم ان اهو شغال < صح؟

أنا راح اتكلم عن هالتفاهات اللي صايرة فيه
المذيعة بدلع وتهز يمين يسار .. علشان تجاوب على السؤال < حلوووة

واللي قاعدة اربع وعشرين ساعة تروح تنام وترجع تلاقيها بضحكة مصطنعه جداً ياخي أحد قالك ضحكي
وإذا جاهم متصل مايعرف يجاوب على السؤال أهو غباء ولا غباء ولا غباء يعني ، ولا يستهبل ..


والمسجات اللي حوّلت عيونّا منهم ( أرسل أكتر بتكون أمير القناة )

محور نقاشنا هو :
أولا: بكل أمانة هل مرة اتصلت/تي عليهم ، إذا كان جوابك/كِ بقوووووة < ركز/ي عاى بقووووة ،
إذا أنتي مااتصلتي ولا انت اتصلت وذاك اتصل وذيك اتصلت ولا انــا مين يتصل ؟


ثانيـــاَ: أسأل الشباب : تحسون في شي يجذبكم فيهم يعني فيهم إغراءات اللي يخليكم تتصلون أوحتى تطالعون ؟

ثالثــــاً: شنو موقفك لو أحد جاك من ربعك وقالك أنا رسلت لهم أو كلمتهم بغرض التسلية ؟

رابعـــاً :ليييه ، اللي حارقني ومعصبني أنهم ييحطون رقم السعودية ولا ويحطون على جنب كأنهم يقولون ما نبي إلا السعوديين ليه ؟

خـــامساً :ما هو رأيك وبكل صراحة عن مثل هالنوعية الساذجة للبرامج ؟ وما هي اقتراحاتك للبديل مثل هالبرامج؟ وخذ راختك البرنامج برنامجك قصدي البيت بيتك ...

أدري طولت بس شسوي من القهر ، ترى أنا والله أغـــــار على التماسيح اللي عندي بالبيت ..

اللي بعدي استلم المـــايك