السلام عليكم ورحمه الله وبركاته
بما اني عضوه جديده 00 حبيت المنتدى من اول يوم سجلت فيه وكثير ادش واقرى مواضيع حلوه فيه 00فرحت بالقسم كثير 00وحبيت انقل لكم قصتي ممكن غيري يستفيد منها000
انا تزوجت وانا لسى بالمتووسط ومارزقني ربي بعيال وجلست 14 سنه وانا اعاني من نزيف رحمي تخيلوا التعب النفسي والجسدي الدوره ويالله نتحملها
الحمد لله ع كل حال
رحت اطباء كثير وبدون نتيجه ماعرفوا مصدر النزيف اللهم واحد قال لي يمكن يكون المشكله بجدار الرحم وشوي يقولون عندك كيس بالرحم شوي يقولون مافيه صرت حقل تجارب
المهم رحت لطب شعبي ونفس الشي ما استفدت بعد كم سنه مايقرب 9 سنوات من العلاج تعبت نفسيا ومليت وانا ابلع بالادويه وهالابر كرهت كل شئ
وسبحان الله بعدها توفى الوالد ووقتها عرفت الحكمه من هالنزيف وفعلا عسى ان تكرهوا شيئا وهو خير لكم
تدرون بعد وفاه الوالد تعبت امي حيييييييييييل وما كان متفرغ لها الاانا من خواتي بحكم ماعندي اطفال اراعيهم
ومن مستشفيات للعيادات لمشايخ وكل همي ربي يعافي لي امي
وكنت احمد ربي ماعندي اطفال يشغلوني عنها وزوجي كان مشغول كالعاده بشغله فكنت اروح لامي كثير والحمد لله الواحد يفرح بخدمه امه ومره من المرات وانا عند الشيخ طبعا رايحه اقرى على امي حسيت بتعب وضيقه وجلست ابكي مدري ليه
المهم قالي عندك حسد وعين والله اعلم وصرت اروح عشان امي عنده وعشاني وكنت الاحظ النزيف يخف شووي
بعد رحله علاج مع امي 5 سنوات خفت امي وتعافت والحمد لله - وبعدها كتب الله لي الحمل واللان انا بالشهر الثامن 00 عشان كذا مابي اي وحده تاخر حملها تياس من رحمه الله ربي اعلم بمصلحتنا ويمكن لكم خيره واتمنى تستفيدون من قصتي
اختكم سوووووووكره
