| مميزة جديدة  | | $شهودة القمر$ |
تاريخ التسجيل: Jan 2008
المشاركات: 17
قامت بالشكر: 0
تم شكرها0 في 0 موضوع
|  رد: يوميات محمد وزينب باللهجه البحرانيه | |
وإناس محمد اعصابج اختي
وهاي الحلــــــــــــ 11ـــــــــقة ::
قعدت زينب يوم ثاني من النوم و ما سمعت الا فوضى صوب باب حجرتها
ما طلعت الا الجهال كلهم متجمعين صوب الباب يلعبوون
زينب تقول في قلبها : بــــــــــل ,, الحين ما بسلم منهم
قعدت تسألهم : لويش جايين صوب هل الحجره بذات عشان تقعدووني من نووومي ؟
الجهال :
زينب : وين امهاتكم ؟
واحد من الجهال : في الحجره
زينب : يلا يا حبايبي كل واحد يرووح الى امــــــــه وفكوونا من ههدرتكم
مريم : ويش صاير تتناقشين وي الجهالوو نقاااااشااات
زينب : انتين ويش عليش ؟ ام النووم تنامين وتقعدين مو اني ما نام الا متى ويقعدوووني هل الجهال
مريم : هههههه هذيلين امهاتهم جايين يباركوون
زينب : و اني ويش يهمني ؟ ما انام على حساب امهاتهم جايين يباركوون ؟
مريم : لا تصرخين الحين بيسمعوونش
زينب : في الطقاق خلهم يسمعوون يجيبون جهالهم ولا يعرفوون يخلونهم يقعدون في مكانهم
قاموا الجهال كلهم ويقولون : مااااااااااامااااااااا اهيء اهيء
زينب : والله بلوى اففففففف
مريم : زين جذي صيحتين الجهال
زينب : اووو فكينا والي يرحم والديش وسكرت الباب في وجهها
راحت زينب تتصل الى محمد
محمد : هلااااااااا شخبارش
زينب : هلاااا حمووود
محمد : قامو يدلعوون اسمي بعد
زينب : هههههههه شخبارك
محمد : تماااااام ,,, شكلش توش قاعده من النومه
زينب : ويش دراك ؟
محمد : ههههههههههههه صوتش
زينب : صدق ؟ عجل بااي باقوم عقب شوي بتصل لك
محمد : تعالي ,, لويش
زينب : عشان تسمع صوتي حليو مو كريه
محمد : ههههههههههه انزين ههههههههه عليش سوالف
زينب : باااي
محمد : باااااااااي
سكر محمد التلفووون الا بقبلت امه
الام : محمد
محمد : هلاا اماه
الام : ابغي اسولف وياك
محمد: عسى ما شر ؟
الام : لا بس يعني انت الحين كبرت و
محمد : لا تكملين
الام : ويش فيك
محمد: تبغيني اخطب مو جذي
الام : علييييييك نوور يا حبيبي ههههههههه عندك الحاسه السادسه
محمد : بس انا ما ابغي اخطب الحين خصوصا ان انا للحين ما حصلت ليي شغل
الام : ابووك بيخطب لك لين ما تشتغل
محمد : انتون ويش عاجلنكم على خطوبتي
الام : يوووو والشقه الي بانينها ابووك فوووق الى من يا حظي ؟؟. اني ما قلت لك تخطب الا يوم جهزت هكي
محمد : انا ما ابغي اخطب الحين لكن
دخلت فااطمه : ويش صاير ؟
الام : قوومي يا حبيبتي سويي ليي عصير
فاطمه : قولو ما تبغووني اسمع احسن بس باسويي عصير
الام : عفيا عليش
محمد : اماااه ارجووش مو لازم تغصبووني
الام : ما بنعصبك ولا شي هدحنا محصلين لك خوووووش بنيه
محمد:
الام : بسم الله عليك الا انزهقت
محمد : لا لا اماه بس يعني من هي البنيه ؟
الام : شايفينها في عرس عمك
محمد : صدق ؟
الام : اييييي
محمد : كان عليها فستان اي لوون ؟
الام : يؤ وانت ويش يهمك عليها اي فستان ههههههههه
محمد : هههههههه لا بس سؤال
الام : كان عليها بيلجاني ( بنفسجي )
محمد :
الام : وي ؟
محمد : ما ابغيها
الام : وانت شفتها جان تقول ما تبيغها ؟
محمد : اي شفتها كريهه
الام : لالالا واجد جميله ومؤدبه
محمد : انا عاد ما يهمني
فاطمه : اييييييي ام البنفسجي هذي حليوه اعرفها
الام : ايي هاكي حتى اختك تقوول
محمد : لو العالم كل يقول نفس الشي انا عندي كريهه ,, هو انا الي بخطب لو انتون افففففففف يلا مع السلامه باروح الى الربع
الام :
فاطمه : الله يسلمك
راح محمد يتصل الى زينب
محمد : زينب
زينب : هلااااا
محمد : امي تبغي تخطي ليي
زينب : بتخطب لك من ؟
محمد: تقوول وحده في الحفله عليها بنفسجي
زينب : اييييييييي هي اكيد بنت خالتي ندى
محمد: لا تصيحين انا قلت ليها ما بخطب
زينب: بس اخاف تغصبك
محمد : جي انا بنيه تغصبني ,,, انا رجال عند كلمتي
زينب : كفوووو ,, بس هي ندى الكريهه الحين ما بحاجيها
محمد : هي ويش يهمها بلا شلخ هي بنت خالتش
زينب : عجل يبغونها تاخذك مني
محمد : اشوى عندي من يحبني
زينب : ويش اسويي في قلبي مووو ملكي
محمد : ههههههههههه لو تنطبق السما على الارض ما باخذ غيرش
زينب :
محمد : حبيت اقول لش ترى الشقه جهزت بس باااقي اشتغل
زينب : كل يووم بستدعي لك تحصل شغل زين
محمد : دعواتش ,, بس ابويي بيخطب ليي يعني
زينب : صدق عجل ويش تحارس
محمد: صبري تو الناس ,, خليني اوقف على رجوولي
زينب : اونت واقف على ايدك ؟
محمد : هههههههههههه قصدي احصل شغل
زينب: ادري بس امزح
محمد : يلا باااي ,, بقووم وي الربع نلعب
زينب : تلعبون كوره ؟
محمد : لالا كوره في هل الحر
زينب : عجل وي
محمد : نقعد نلعب بلي ستيشين فن
زينب : اييييييييي كشخه كل العبها
محمد : صدق
زينب : يلا اخليك باااااااي
محمد : باااااااااااااي
وهاي :: الحلقــــــــــ 12 ـــــــــه ::
عقب ما سكروا التلفووون راحت زينب الصاله الا اخوها جاي من الشغل وعنده جريده
زينب : علي عطني الجريده
علي : هاااش
اخذت زينب الجريده و على طوول ودت على صفحة الابراااج
راحت تقرأ برج محمد ( السرطان ) وشافت مكتوووب فيه ان هناك علاقه حميمه تربطك ببرج العذراء ( برج ندى بنت خالتها )
زينب : اكيد هو يجدب عليي وخطوووبها له
و على طووووووول راحت تركض حجرتها عشان تتصل الى محمد
علي : هذي ويش فيها استجنت ؟
اتصلت زينب الى محمد
محمد : هلااااااا ,, هلا بالورد و الفل والياسمين
زينب :
محمد : ويش فيش زنوووب تصيحين ؟ ويش صاير ؟
زينب : انت خلااص بتخطب ندى بنت خالتي ؟
محمد : لالالالالالا من قال
زينب : اتجذب ادري عنك
محمد : ليش يعني ؟ ويش صاير ممكن تخبريني
زينب : قريت برجك الهووو يقوول في علاقه حميمه بينك وبين برج العذرااء وبرج العذراء برج ندى بنت خالتي اهييييييييء
محمد : ههههههههههههههههههههههههههههههههههههههههههههه يا علي بامووت من الضحك
زينب :
محمد: انتين ما همش الا ندى ,,,, اصلا ندى كريهه ويش فيها من حلاوه
زينب : ايييييييي , عليي ؟ ادري عنك انت يمكن بتخطبها و اني ما ادري
محمد : زينب بتقتليني من الضحك على سوالفش ,, انا ما احب الا وحده في هل الكوووووووون ما احبش الا انتين يا خلف طوايف اهلي كلهم
زينب : عجل ويش اقدر اعتبر الكلام الموجود في البرج
محمد : اعتبريه علاقه شلخهم
زينب :ههههههههههههه
محمد : عجل انتين الحين ما تطيقين بنت خالتش
زينب : اسكت لو اشوفها قدامي لا ارادي اضربها على مخها
محمد: عسى ربي لا يرحمني منش ,, بس لا تضربينها
زينب : هاا اشوفك تدافع عنها خلاااص لا تحاول انت اصلا تحبها
محمد : لالالا بس اقوول يعني ما ابغي انا افرق بينش وبينها لان لو ويش يصير ما باخذش الا انتين فما يحتاج ما تشتهيتنها
زينب : ويش اسويي من سمعت خبر امك الشين قمت ما اطيقها ولا اشتهي اسمع حتى طاريها
محمد : انا ويش عليي من امي ,, جي على كيفها
زينب :
محمد : المهم انتين لا تحطين في خاطرش وانا لو ادري ما قلت لش عشان لا تزعلين ,,, كل شي ولا زعل الغاليه
زينب :
محمد : هكي امي جايه اكيد تبغي تقنعني عليها
زينب : ما عليك منها
محمد : ههههههههههههههههههه زينب هي امي لا تصرخين عليها
زينب : اوووه ههههههه نسيت بس ما عليك منها
وقطعوا التلفوون
الام : محمد
محمد : هلا اماه
الام: ويش فيك ؟؟ انت لويش ما تبغي تخطب البنيه ؟ هي ويش فيها ؟
محمد : ما فيها شي بس انا ما ابغيها لانها ما تناسبني
الام : انت اصلا شكلك مو مال زواج ,, مال سهر و لعب في نصاص الليالي
محمد :
راحت ام محمد وهي تشتكي منه
خحلنا نرجع لبيت زينب ,, هناك قايمه الوقعه بين زينب وساره
ساره : ما فيي نبغي نسافر ايران احلى
زينب : احنا كلنا نبغي نرووح سوريا بس انتين معارضه وثانيا ايران اغلى بعد واحنا ما نقدر
الام : ساره انتين علمي بش تحبين سوريا ويش الي قلب بش
ساره : لان خطيبي واهله برووحوون هناك واني ابغي اروووح
الام : هههههههه عشان جذي يعني ,, ما عليه حبيبتي بنعطيش بيزات لش عشان تروحين وي اهل خطيبش
سااره : يصيير؟
الام : انتين اسألي خطيبش و شوووفي
ساره : عجل بقووم اسأله
زينب : بتمووت عليه
الام : هههههههههه عجل ويش تبغينها
زينب في قلبها : من حقها مشكل عليي هداني بامووووت في حموودي
الام : خلاااص يا ولد عمييي قررنا نرووح سوريا بس بتك ساره بتروح وي بيت عمها
الابو: جي من بيت اخواني بروحون ايران ؟
الام : هههههههههههههههههههه قصدي عمها ابو رجلها
الابو :هههههههههه اهااا ,,, اوكي حصل خيررر
ساره : امااااااااه هكم رضوا ارووح وياهم
الام : صدق الحمد لله
زينب :
ساره : الااااااااااااي كشخه
الام : عساش السعاده لهدرجه مستانسه
ساره : اكيييييييد
الابو :
مريم: اني بعد ابغي ارووح ايران
زينب : انتين عاد لازم معارضه
الام : يلاا ما فييي
مريم : انزين عاادي ارووح وي ساره اختي
الام : يلا مناك ,, بكبرها فشيله نضيق عيلهم , زين منهم بتحملوون بساره اختش
مريم : اني خاطري ارووح ايران
الابووو: ان شاء الله سنة الجايه نرووح كلنا
زينب في قلبها : سنة الجايه اني من زمان انخطبت
مريم : اذا جت سنة الجايه ولا رحنا ايران ما فيي سفر
علي : مريم احترمي شوي
مريم : اهيء
الام : وي على افادي كلكم عليها تعالي
وقعدوا يتناقشوون في اموور السفر و جذي
الابو : انتوون تبوون تروحون سوريا على حسابكم او في حمله ؟
الام : لالالا نبغي في حمله ما نقدر على حسابنا
الابو: اوكي عجل تبغون في اي حمله
الام : حملة كذا كذا
و في اثناء ما الام والابو يتناقشوون راحت زينب تتصل الى محمد
محمد : هلااااااا
زينب : هلاا ,, ما تدري
محمد : لا ويش صاير
زينب : بنسافر سوريــــــــــــا
محمد : حلفـــــــــي
زينب : ويش فيك مستغرب ؟
محمد : لان احنا بعد بنسافر سوريا
زينب : صدق يا علييييييي ,,, بتروحون في اي حمله ؟
محمد : حملة كذا كذا
زينب : صدق تاريخ جم ؟
محمد : 3 / 8 بنمشي
زينب : بجم ؟
محمد : 120 دينار من3 /8 الى 25 / 8
زينب : عجل باقول الى امي عشان نروح الحمله الي انتون فيها
محمد : صدق يلااا عفياا روحي قولي ليها
زينب : اوكي باااي
و راحت تركض الى زينب الى امها
زينب : اماه اماه
الام : ويش ؟
زينب : نبغي نرووح في حملة كذا كذا لان هذي الحمله خووووش حمله
الام : صدق ؟ و بجم
زينب : 120 دينار للنفر
الام : والله هل السعر زين لحضه باقووول الى ابووش
زينب في قلبها : يا ربي ابويي يوافق
الابو : زينب تعالي
زينب : نعم
الابو : من الي قايل لش عن هل الحمله ؟
زينب : رفيقتي تقول
الابو : زين عجل خلها تعطيش تلفوون الحمله عشان نحجز
زينب: صدق الحين اقول ليها
راحت تدق على محمد
زينب : الوو محمد عطني تلفوون الحمله بنحجز
محمد : يااااااااااي كششششششخه صبري باجيب الرقم
زينب : انزين
محمد : هاش سجلي عندش .......
زينب : شكرااا باروح اعطيه ابويييي بااي
محمد : بااي
زينب : ابويي هاك هذا الرقم
اتصل الابو وحجز بس للاسف كان ما فيي الا 4 كراسي
الابو سكر التلفوون
الام : ييووو ما في الا ليي ولك والى بناتك وعلي ؟
الابو : هو علي بجي ؟
زينب : لا هو ما اخذ اجازه
الابو : اذا جا بنقول له
زينب : ما يحتاج تحارس اني بتصل له
الابو : ما يحتاج انا بتصل
علي : هلا ابويي
الابو : انت اخذت اجازه عشان تسافر ويانا
علي : لالا اخذت اجازه من زمان
الابو : يعني ما بتجي ويانا سوريا ؟
علي : لا بقعد في البيت
الابو : انزين مع السلامه
زينب في قلبها : اشوى الحمد لله عشان لا ينچفوون
الام : عجل حصل خير روح اتصل ليهم و خلهم يحجزون لينا
و هم قاعدين يتكلموون الا بدخلة خالتهم وبنت خالتهم ندى
زينب في قلبها: هي ويش عندها جايه بيتنا بعد
ندى : هلا زنووووووب
زينب : هلا
ندى : شخبارش ان شاء الله زينه
زينب : زينه
ندى : ويش فيش حبيبتي زنووووب ؟ ليش متضايقه ؟
زينب : والله عاد كيفي في شي يسمووونه مزاج و اني مزاجي متعكر خلاااااص؟
ندى : اهاا
زينب : اي طلب ؟
ندى : يوووووو اني جايه هني على حسابش اقعد وياش تقولين ليي اي طلب ؟
زينب : ممكن سؤال ؟
ندى : تفضلي
زينب : انتين ترضين اذا عندش شي مستانسه به تالي اني اجي واخذه ؟
ندى : ويش صاير ويش الي عندش واخذته ؟
زينب : اني سألت سؤال جاوبي
ندى: اكيد ما ارضى
زينب : خلاااص وشهد شاهد من اهله لو من صوبش عادي واحنا حرام
ندى: زينب ويش فيش عليي؟ اني ويش مسويه لش ؟
زينب : ما سويتين شي ,, بس حبيت اقول لش لو بس تفكرين تفكيييييير انش تاخذين شي غالي عندي راح تندمين فاهمه
ندى : اني مو فاهمه شي لحد الحين
زينب : والله عاد فهمتين لو لا في الطقاق
ندى : انتين الضاهر استجنيتين
زينب : ما اسمح لش تقولين ليي مجنونه
ندى: اووووووو خلاااص اماه قومي نروح البيت
الخاله : يووو ويش صاير ؟
ندى : شوفي بنت اختش من جيت ما شفتها الا تتهاوش ويايي بدون سبب
الخاله : ويش صاير يا زينب ليش تتهاوشين وي بنت خالتش ؟
زينب : والله عاد ما اعرف اعيد الكلام
الام : يوو زينب استحي هذي خالتش
ندى : اوو اماه اني ترى بارووح
الخاله : مع السلامه يا اختي باروح وياها البيت اشوف ويش فيها وبتصل لش بعدين
الام : ان شاء الله روحي ليها هكي تركض
الخاله : مع السلامه
الام : الله يسلمش
زينب :
الام: انتين ويش عندش وياها ؟ حتى بنت خالتش الطيبه تتهاوشين ؟
زينب : هذا مجرد تهديد .. للحين ما شافت شي
الام :يووووووووو ويش صاير شكلها السالفه مره كبيره
زينب : والله عاد خلها تعرف من اني ,, اني زنوووب مو اي وحده
الام : حسبي الله عليش ,, ما ادري ويش تحت راسش
زينب : تحت راسي سعادتي و كل واحد ويبغي سعادته والله اني غلطانه
الام : بتشوفين ان ما قلت الى ابوش واخووش هذا مو وجهي طايحة حظ
زينب : قوولي
الحلـــــــــــقـــ13 ــــــــــه
عقب ما هددت الام زينب صارت زينب شوي خايفه
زينب في قلبها : يووو جان مو تقول ليهم ويجوون يتسألون فيي ويسحبون مني كلام
الا داخل علي جاي من الشغل
علي : زينب قومي جيبي ليي ماي بامووت من العطش
زينب :
علي: زنبووووو
زينب : هاااااا ويش؟
علي : جيبي ليي ماي
زينب : انزين
الام : علي ,, لو تشووف ويش سوت اختك في بنت خالتك ويش تقوول
علي : ويش مسويه فيها بعد
الام : مسكينه بنت خالتك جايه بيتنا عشانها ما شافتها الي تهاوشها
علي : الحين بتشووف اذا جابت الماي
زينب : هاك
علي : ويش مسويه في بنت خالتي ندى ؟
زينب : ها اشوفك تدافع عنها انت بعد
علي : و ويش فيها لو دافعت عنها ابغي اعرف السالفه
زينب : سالفه ما لك خص فيها زيييييين ؟
علي : لا الضاهر انتين تبغين جم طراق يعدل لش شكلش
زينب : انتون ويش يخصكم مني اوووووووف اهيء اهيء
و دخلت الباب وسكرته
الام : اني ما ادري ويش فيها مستخفه من قبل هي مي جذي
علي : من تخرجت وقعدت في البيت خرفت
ساره : كل جذي حتى اني يوم اتخرج ولا ادخل الجامعه ورفقاني كلهم دخلوا الا اني صار ليي جذي بعدين عقلت
علي : لا انتين اشوى منها يتراوى ليي
ساره :
الام : يعني ويش نسوي فيها على حساب ما دخلت الجامعه تقوم تصير لينا بلوى ,, ولا احد من اولادي دخل جامعه هذا حظي وياكم
علي : اماه لا تزعلين انا باوديها معهد تدرس فيه عشان لا تأذينه
الام : ويش فايدته ؟ هدحنا بنسافر عقب سبوووع تقريبا
علي : ايي صدق نسيت
ساره : اني الحين بدخل وياها بشوف ويش سالفتها .... زينب افتحي الباب شوي
زينب : ماني انتون اصلا ما تحبوني وتحبون ندى اكثر مني
ساره : من قال
زينب : ما احد بس من حركاتكم تحبونها و تدافعون عنها ,, و قولي الى علي اذا يحبها خله يعرس عليها ويفكنا
ساره :
زينب : اي تضحكون عليي شايفيني اركوووز
علي : تضحك زينب ههههههههههههه
زينب : روح انت مناك ,, ادري عنك تحبها ها
علي : اي بنت خالتي ويش فيها لو حبيتها
زينب : اي روح اخطبها تصلح لك
الام : جان زين هاكي ويش حلاوتها مؤدبه
علي : اماه انتين صدقتينها يعني,,, هي الا جاهله
زينب : طل في ويهك جاهله اني بكمل العشرين و تقول جاهله
علي : كل ما كبرتين بتظلين جاهله
زينب : لا تخليني اروح اكسر اغراضك ها ,,,, انتون تبغون تقتلوني ؟
الام : بسم الله عليش يا خلف جبدي من قال هل الكلام
زينب : لو ما تبغون هل الشي ما سويتون ليي هل الحركات
الام : انزين انتين بطلي الباب
زينب : نعم ؟ ويش تبغين ؟
الام : حبيبتي تعالي اول مره اشوفش تصحين جذي
وقامت الام وشبقتها
مريم :
ساره :
علي :
عقب ما سكتت زينب و كل شي
راحت زينب غرفتها تتصل الى محمد
محمد : هلااااااااااااا
زينب : هلاا
محمد : شخبارش
زينب : مو زينه زفت
محمد: افااااااا ,, ليش ؟ من مزعلنش ؟
زينب : تهاوشت وي ندى بنت خالتي
محمد : ليش ؟
زينب : اهددها
محمد : انتين مجنونه ؟
زينب : حتى انت تقول عني مجنونه ..... اييييييي اني مجنونه
محمد :
زينب : اصلا انتون ما تحبوني كلكم
محمد : من قال هل الكلام ؟ انتين بس الله يهداش هي ما تدري ويش صاير وقمتين هاوشتينها
زينب : ما قدرت اكتم الكلام في داخلي رحت وقلته ليها
محمد : بس خلاص لا تصيحين اضحكي تضحك لش الدنيا
زينب : ما ليي خلق اضحك
محمد : افاااا ما ليي خاطر عندش
زينب : اووكي عشانك بس هذاني ابتسمت
محمد : بعد عمري المطيعه
زينب :
محمد : انتين لا تصيرين عصبيه واجد حاولي كل تكونين ريلاكس اوكي ؟
زينب :شلوون
محمد : يعني كل كوني هادئه ولا تتهاوشين وي خواتش واخوانش علشااني بس
زينب: بحاول بس اهم شي ما ينكسر خاطرك
محمد : يااااااااا بعـــــــــــــــد عـــــــــــــمري
زينب :
محمد : طيــــــــبه و قمـــــــــــــر
زينب : بس اني استحي
محمد :ههههههههههههههه زين ..... ويش اخبار السفر وياكم ؟
زينب: اييييييييي بنرووح وياكم في حمله و في باص بعد
محمد : صدق كشخه ,,,, يتراوى ليي بتصير احلى سفره
زينب : اي اني بعد اقووول
وقعدوا يسولفووون عن الي بصير في السفر <<< متفرغين
يوم ثاني قعدت زنبوو من النوم الساعه 3
ما قعدت الا تسمع صوت خالتها تتكلم وي امها
الخاله : اني سألتها قالت انها ما سوت فيها شي من جت قامت تهاوشها
الام : هل الحاله عجل بنتي استخفت ,, سامحيني يا اختي ترى هي ما تحشم احد
زينب : لا والله قاعدين تحشوون فيني ها ومن اقرب الناس ليي
الام : احنا ما تكلمان عليش بس نقول ويش السبب الي خلاش تتهاوشين وي ندى ؟
زينب ذكرت كلام محمد انها تصير هاديه وريلاكس ولا تتهاوش : انزين خلاص الحين انتهت السالفه
الام :
الخاله : لا شوتي في الناس و تالي قولي انتهت السالفه
زينب: بعد عمري خالتي ادري عنش مستحرقه عشان ندى بنتش وقولي ليها تسامحني
الام :
الخاله : زين يا بنتي بس لا تعودينها
زينب : ان شاء الله
استجنت الام وقعدت تقول : الي هداش يهدينا
زينب: ان شاء الله جميع
راحت زينب تتغذى وعقب ما تغذت
رحت تتصل الى محمد
زينب : محمد
محمد : عاش من سمع هل الصوووت
زينب : عاشت ايامك
محمد : ها شعندش
زينب : لا بس متملله و جيت اكلمك
محمد : على العين والراس ,, بس لحضه ببند التلفزيوون
زينب : اوكي
محمد : هلا قولي
زينب : هههههههههه انت مو نصحتني نصيحه
محمد : اي
زينب : طبقتها
محمد: يا بعد جبدتي ,, صدق مطيعه و مزيونه
زينب : و كل باطبقها بعد
محمد : ان شاء الله على طول ,, عشان اذا تقدمت لش ما يقولون انتين جاهله
زينب : اي ويعاملوني معاملة كبيره
محمد : ايييييييي
زينب :
محمد : كل ما تكبر تحلى تصير احلى واحلى
زينب : ههههههههههههههههههه تغني عليي ؟
محمد : ايي اذا ما اغني عليش على من اغني ؟
زينب : شوفوا حبيبي شوفوا يا محلاه
محمد : تغنين عليي ؟
زينب : شوفوا عيونه شعره و لونه
محمد : هذا كله عليي ؟
زينب : اييي واكثر
محمد : الله ,, يا سلام على الجمال
زينب :
محمد : انا ابغي بسرعه يجي هذك اليوم الي نركب فيه الباص ونمشي
زينب : اييي ان شاء الله شقتكم صوب شقتنا
محمد : ان شااااااااء الله ياااا رب چاان فلله
زينب : باقي 5 ايام ... وااااااااجد ما نقدر نتحمل
محمد : انا اذا رحت بتشري لش هديه
زينب : اني بعد
محمد : ويش تبغين اشتري لش من هناك ؟
زينب : امممم كل شي من عندك حلوو
محمد : لا انتين آمري
زينب : ما يآمر عليك عدو ,,, ما ادري الهديه ما يطلبوون فيها
محمد : اوكي عجل باخذ لش هديه كشخه
زينب : اني باخذ لك هدايا مو هديه ,, وكل هذا ما يعبر عن محبتي لك
محمد : مشكووره يا الغاليه ,, عجحل انا بعد باخذ لش هدايا واجد تستاهلين اكثر
زينب :
محمد : اقووول
زينب : هلا
محمد : ويش صار وي سالفة ندى ؟
زينب : تأسفت ليها
محمد : عفيا على القمر ,, تعجبيني
زينب :
محمد: يلا الحين انا بقووم
زينب : وين ؟
محمد: هههههههههههه خلاص بقعد كل شي ولا زعلش
زينب : انزين ,, ويش اخبارك وي الشغل حصلت لقك وظيفه .؟
محمد : انتين تدعين ليي . ؟
زينب : ايي ادعي في كل صلاه ربي يوفقك وتحصل شغل
محمد : ان شاء الله يا ربي ,, ربي يسمع من دعائش
زينب: ان شاء الله ,,, اسمع
محمد : هلا
زينب : ممكن سؤال ؟
محمد : تفضلي
زينب : انت ويش رايك فيي ؟
محمد : احلــــــــــــى من القمــــــــر
زينب :
محمد : صدق ,, بشيل القمر وبحطش مكانه
زينب : يلا عااد لا تبالغ
محمد : هههههههههههه
زينب : بااااااااااااااااي ابغي اقعد معااك بس امي تناديني
محمد : اهاا عجل روحي ليها ولا تصارخين عليها وصيري طيبه و ريلاكس
زينب : اووكي
طلعت زينب الى امها
الام : ويش قاعده تسوين في الحجره اطق علي الباب و انتين ساكته عني
زينب : قاعده اعدل كبتي
الام : اهاا ,, تغذيتين ؟
زينب : اي الحمد لله اتغذيت ,, تسلم ايدش اماه على هل الغذى السنع
الام : بالعافيه
زينب :
الام : يلا امشي ويايي نرووح بيت ام سلمان لان اختش مريم هناك وي بتها
زينب : وين ساره ؟
الام : اليوم معزومه في بيت خطيبها
زينب : اها
الام: يلا البسي عباتش وتعالي
زينب : ان شاء الله
راحت زينب مع امها بيت ام سلمان وهناك عادة تتجمع النسوان في المجلس كل يوم عشان السوالف والوناسه
دخلت زينب الا هناك كل نسوان و جهال ما في احد قدها بس ويش تسوي المسكينه ما تبغي تكسر خاطر محمد
الام : شحوالكم يا جماعه
النسوان : حياش الله ام علي تفضلي
الام : زاد فضلكم ... زينب حبيبتي تعالي قعدي هني
زينب : ان شاء الله
و من ضمن السوالف الي يسولفونها النسوان
سالفة بنيه تحب صبي تالي قام قص عليها و خرب سمعتها
الام : اني الحمد لله بناتي مو من هل النووع ,, الله يستر علينا وعلى الجميع
ام حسن : ايي ,, ما شاء الله على بتش حليوه هكي و مؤديه الله يخليها لش
زينب في قلبها : اني عرف محمد عدل مستحيل يسويي جذي
وحده من النسوان : ولا مساكين هل البنات يصدقون كل جلمه تنقال ليهم ويحسبون الصبي يحبهم
زينب في قلبها : لالالالالالالالا مستحيل محمد يجذب عليي ,, هو غير عن الصبيان هو طيب ويحبني
ام عباس : الله يكفينا من كل سوووء ,و لو البنات ما يعطونهم وجه احسن ليهم ,, يحارسون لين ما يوقع الفاس في الراس
زينب :
الام : يوو ويش فيش زنووب
زينب : لا ولا شي بس ابغي ارووح البيت
ام حسن : ويش فيش يا حبيبتي ؟
زينب : ولا شي ,, اماه ابغي اروح البيت اتمللت
الام : انزين روحي حبيبتي بس اتحملي عن الشارع
زينب : انزين مع السلامه
راحت زينب البيت وهي تصيح
ام حسن : الضاهر بنتش مو متعوده تقعد وي النسوان
الام : ايييي
وصلت زينب البيت و راحت تتصل الى محمد
زينب: الوو
محمد : هلااااااا الا رجعتين
زينب : لان سمعت كلام ضايقني
محمد : ويش الكلام الي ضايقش ؟ تكلمي
زينب : قعدوا يسولفون عن البنات لي يكلمون الصبيان
محمد: و اكيد قالوا ان البنات الي جذي ينقص عليهم مو ؟؟
زينب : ايييييييي اهيء اهيء
محمد : انتين كل شي وصحتين عليه
زينب : لاني خفت
محمد : انتين للحين شاكه فيني انا توقعتش واثقه فيني ,, و واثقه من حبي لش
زينب : بس ناس واجد قصوا عليهم صبيان
محمد : اي في صبيان بس انا غير انا قصدي شريف
زينب : شسوي واحد يخرب على الف .. الصبيان ما ينوثق فيهم
محمد : بس مو كلهم
زينب : انزين اني اسفه
محمد : عادي بس لا تحاتين واجد ولا تشكين
زينب : ان شاء الله
محمد : لا تحزنين ,, اضحكي
زينب : يوم قالو الكلام دار راسي و قلت مستحيل حمودي يسويي جذي
محمد : ,, هههههههههه اضحكي الحين
زينب : ضحكت
محمد : و الى الابد
زينب : لو ما انت في هل الدنيا جان اموووووت
محمد : بسم الله عليش من المووت ,, عساني انا ولا نتين
زينب : لالالالا عسى عيني ما تبجيك
محمد : هههههههه مره ثانيه لا تصيحين واجد يا الصيووحه
زينب : هههههههههه ويش اسويي ,, الحب يجبرني ,,,, يلا باااي شكلها امي جت تسألني ويش فيني
محمد : دبري لش جم شلخه
زينب : اكيد
و سكرت التلفون
الام : زينب
زينب : هلا
الام : ويش فيش طلعتين وانتين تصيحين
زينب : لان ذكرت الفلم وقلت لازم اروح اطالعه
الام : عاد فلم يخليش تصيحين
زينب : لاني احارسه و اخاف تمنعيني اني ارجع
الام : تدرين ان النسوان الي هناك شاكيين فيش ,,, فشلتيني
زينب : سامحيني
الام : مره ثانيه لا تعودينها تحرجيني قدامهم
زينب : ان شا ء الله
يوم ثاني بدوا الناس يجون بيت زينب يقلدونهم الدعاء والزياره
وهي زينب ما تشتهي الفوضه في بيتهم ,, عاد تعرفون يجون النسوان وي جهالهم وحاله
زينب : يا ربي متى نخلص من هل السالفه ونسافر و نفتك
مريم : بالعكس كشخه اذا يجون الناس
زينب : انتين كل شي عندش كشخه عاد
ساره : زينب ,, جيبي قدوع للناس اني ابغي اقعد وي رفقاني
زينب : انزين
و راحت زينب تحط القدوووع وما انتبهت الا ام محمد وي خواته الثنتين مقعدين راحت بدون شعور و ودت القدوع صوبهم <<هبله
ساره في قلبها : هبله زينب اقول ليها جيبي القدوع لرفقاني راحت ودته ليهم
و زينب لابسه احسن ما عندها من ثياب وقاعده صوب امها وتسوي روحها كشخه و تسولف و تناقش
الام : ام محمد ,, انتون بعد بتسافرون مو ؟
ام محمد : اي له ,, بنروح سوريا عقب اربعة ايام انتون بعد ؟
الام : ايييي لا يكون انتون ويانا
ام محمد : احنا في حملة كذاكذا
الام: يوو احنا بعد ,, طلعتون ويانا واني ما ادري
ام محمد : ايي انتون بتسافرون كلكم ؟
الام : اييي كلنا بس بنتي ساره بتسافر ايران وي بيت خطيبها و ولدي علي ما اخذ اجازه فبيقعد هني
ام محمد : اييييي بروحه عاد
الام : ايي ,, فشيله جايه ليي بيتنا تقلديني الدعاء واني ما اجي لش
ام محمد : ههههههههه لا عادي اني كل جذي الناس ما يدرون ان اني بسافر واني طبيعتي بعد كل ساكته عاد ما احد يدري احنا بنسافر لو لا
الام : ههههههههه عجل لازم باجر اجي لش
ام محمد : حياش الله
زينب نطت تتكلم وي فاطمه خت محمد : انتين بتروحين اي صف
فاطمه : ثاني ثنوي و انتين ؟
زينب : اني متخرجه بس قاعده في البيت
فاطمه : ما بتشتغلين ؟
زينب : تو الناس
فاطمه :هههههههههههههه
زينب تستهبل : انتين اكبر وحده في بيتكم ؟
فاطمه : لا لا عندي اخو اكبر مني عمره 20
زينب : اهاا
ام محمد : يلا بقووم ,,, قلدناكم الدعاء و الزياره
الام : علينا الدعاء و على الله الاجابه .. قعدا ويش عاجلنكم تو الناس
ام محمد : برروح ان شاء الله نشوفكم في السفر
الام : ان شاء الله من غير تقديم على الله
و زينب مستانسه وطايره من الفرحه على حساب عائلة محمد زينه وياهم
و بيت محمد يطلعون وبدشة الخاله وبتها نــــــــــدى
زينب : ولييييييي اكيد بيفتحون السالفه
ندى : السلام
زينب : عليكم السلام
و قعدوا ,,, قامت زينب يوم شافت ندى ما تعطيها وجه ,, وبقومتها الا تلفونها يرن
زينب : الوو
ابرار : هلاا شخبارش شعلومش يا القاطعه ما تبينين
زينب :هههههههه هلاااااااااا شخبارررش من زمان ما شفتش
ابرار : ولا حتى على الخاطر
زينب : سامحيني بش الظرووف يا اختي .... المهم شخبارش
ابرار : تمام ,,, يقولون بتسافروون
زينب : اي له بنسافر سوريا يوم الاربعاء
ابرار : اهااا ,, عجل لازم اجي لش
زينب : تعالي الحين عمري عاااد
ابرار : ليش الحين بالذات ؟
زينب : عشان احر بنت خالتي ندى تحسبني بروح اراضيها
ابرار : متهاوشين ؟
زينب : اي ولا تقولين ليي ويش السالفه لاني ما بقول انتين بس تعالي
ابرار : اوكي الحين جايتنش
و راحت زينب تجهز القدوووع ليه
الا تلفونها ران
محمد : هلووووووو ,, عرفت سوالفش وي اختي
زينب : حشى حشى لا سلام لا كلام على طولل (( عرفت سوالفش وي اختي ))
محمد : ههههههههههههههههههههههه انزين سلاااااام
زينب : وعليكم السلام ,, ويش عرفت من اختك ؟
محمد : من جت اختي فاطمه قعدت اتسأل فيها عنش
زينب : بسم الله الرحمن الرحيم ويش دراك انهم جو بيتنا ,, جني ؟
محمد: ههههههههه يلا خذ اصلا انا الي قايل ليهم يجوون بيتكم
زينب : شلون قلت ليهم ؟
محمد : قلت ليهم هكو بيت حجي ناصر بسافروون روحوا ليهم
زينب : يا خوفي كشفوني
محمد : لااااااااااا يا بت الحلال وين يكشفونش , انا في ويش وانتين في ويش
زينب : و ويش قالت لك فاطمه عني ؟
محمد : قالت انش كاشخه و قعدتين تسولفين وياها
زينب : اكيد اني على طوول كشخه
محمد : انيقه ما احد يضاهيش في الاناقه
زينب : ايي عجل ويش حسبالك ما اعرف للموضه
محمد : ما علينا ,,, ما قعتين تتدلعين قدامهم ؟
زينب : اني اصلا حركاتي طبيعيه <<< جذابه هههههه
محمد : عليي ؟
زينب : اني والله ما اجذب
محمد : هههههههههههههه مستحيل تصير حركاتش طبيعيه .. انتين خبز ايدي دلوووعه
زينب : اي كيفي دلووعه
محمد : صدنااااش كشفنااش ,, تتدلعين ها
زينب : عيب لو حرام التدلع
محمد : يه يه ,, الي مثلك لو تدلع الــــــــــــــدلع لايــــــــــق عليه
زينب :
محمد : شكلش مشغووله اسمع صوت مواعين وصحوون
زينب : هههههههههههههههه ايي قاعده اسويي القدووع الى رفيقتي بتجي
محمد : هههههههههه اها , زين عجل اخليش
زينب : اراك لاحقا
محمد : حسناً
زينب : اوووووه ما يمدينا حتى نتكلم لفه عربيه فصحه
محمد : ههههههههه اتمازح وياش , يلا باي
زينب : بااااي
و قعدت زينب تجهز الا ابرار جايه
زينب : هلا حبيبتي ابرار
ابرار : هلا وغلا
زينب : تفضلي
ابرار : زاد فضلش
وراحت ابرار تسلم على ام زينب وخالتها وبنت خالتها ندى
تالي قعدوا شوي بعيدين عنهم
زينب : طالعي ندى شكلها بتنفجر من القهر
ابرار : زنبوو سكتي ترى تشوفش
زينب : خلها ,, عساها بطنه
ابرار : انزين سولفي ولا تقعدين تسوين ليها حركات لا قمت
زينب : لا لا ,, بس خلااص
ابرار : حليو السفر يا ريت اني وياكم في حمله
زينب في قلبها : اشوى منتين وياي
ابرار : ويش فيش ضعفانه ؟ لا يكوون الي يسمونه الحب
زينب : هاا لالا اني اصلا اسوي رجيم هل الايام
ابرار : قولي الصدق الرجيم ما يدخل راسي
زينب : عاد بتصدقين لو لا ..
صار باقي يومين عن سفرتهم و هم مشغولين بتجهز الثياب و مقلوب البيت فوق حدر من العفسه الي هم فيها
الام : زينب فدمتش انتين ليش تبغين شنطه بروحش ؟
زينب : لا والله اني الحين كبيره عادي احط ثيابي بروحي
الام : بس الشنطه الي بتحطين فيها واجد كبيره تجزيش انتين واختش
زينب : ما يهمني
الام : عجل حبيبتي مريم جيبي ثيابش بحطهم ويايي في شنطه
مريم : ويش فيها لو اني بروحي بعد
الابو : ما نبغي نحمل شنطات واجد كل ما صارو شوي احسن
مريم : انزين
و قعدوا يرتبوون في الشنطات ومشغولين حدهم
علي: اي مساعده ؟
الام : تعال يا حبيبي رتب ثياب البدل
علي : ان شاء الله اماه
زينب : اماه ماني حامله الدشاديش مالي
الام : يووو جي في سوريا غير اذا في البحرين كل واحد بتقعدين هناك
الجده : هذا صحي بتروحون سوريا ولا تودوني وياكم ؟
الام : يووو ,, جي انتين ما بتسافرين وي ولدش العود ؟
الجده : لا من قايل لش ؟
الابو : اماه مو كأن المفروض باجر تسافرون
الجده : من بادع عليكم هل البدعه الشينه ,, اني ما ادور اروح الا وي مرت ولدي العود الشريه
الابو : ما ادري انا سمعت جذي
الجده : الحين ويش تبوني اسويي لازم اروح وياكم
الابو : بتصل الى الحمله و بشوف
زينب في قلبها : هي ويش تسوي تروح بس للطحنه و القرضه
مريم : ان شاء الله في كرسي فاضي
الام : هاكو ابوش يتفاهم وياهم
زينب : اصلا ما في كراسي فاضيين لان يوم نحجز كان في 4 بس
الابو : اشوى الحمد لله في كراسي فاضيين لان عائله انسحبوا من الحمله
الام : الحمد لله ,و حجزت ليها
الابو : اييي ,, خلاص اماه ما باقي عليش الا تجهزين شنطتش انا باروح باجر ليهم وباساويي وياهم كل شي
الجده : عطاااك الله من بره وبحره ,, ربي يسعدك ويغنيك يا خلف جبدي
الابو : ان شاء الله جميع
الام : السيده زينب كاتبتنش ليها السنه
الجده : الحمد لله
زينب : وي استانستين الحين ؟
الام : زينب سكتي
زينب :
علي : ادعوا لينا هناك عاد
الام : ان شاء الله بحق السيده بندعي لك ربي يوفقك و يسعدك ويعطيك بنت الاجاويد
علي: ان شاء الله
زينب : ادري تقول في قلبك ندى
علي: انتين ويش عندش وي ندى ؟ صدق فاضيه
الام : و ويش فيها لو اخذ ندى عادي بنت خالته
علي : اقول لش عااد .. عادي والله
زينب : لاني كشفتك
علي : اماه اذا لخيتها كف لا تستحقين
الام : سكتي
الجده : اني باقوم انام
زينب : بل توها 10
الجده : جي اني مفلش انام الصبح
زينب : زين روحي نامي فكينا
الجده : ها ؟
الام : تقول نوم العوافي
الجده : اييي الله يعافيش
زينب :
مريم :
رن تلفون زينب
الام : هذي من ؟
زينب : هااا ,, هذي ابرار ,, بقوم حجرتي
علي : لويش تقومين ؟
زينب : والله عاد كيفي اني وي رفيقتي لو تبغي تسمع كلام بنات بعد
علي : زين روحي مينونه
زينب : مالت
و راحت زينب الى حجرتها وقفلتها
زينب : الووو
محمد : ويش فيش ما تشيلين التلفون بسرعه
زينب : كنت قاعده وسط بيتنا ويش تبغيني اسويي ؟
محمد : اهاا ,, انزين لا تستحمقين
زينب : لا اني مو مستحمقه بس اخويي علي شاك فيني
محمد :
زينب : محمد
محمد : عيون محمد
زينب : رديت صرت عصبيه ما اعرف اصير هادئه و مؤدبه وريلاكس على قولتك
محمد : هههههههههههههههههه عادي اهم شي حاولتين ,, مرد الطير يرجع لعشه
زينب : ههههههههههه اشوى شبهتني بالطير مو بذنبة الجلب
محمد : افــــــــا .. من الي يشبهش بالجلب خليني اروح له واكفخه
زينب : هههههههههه شوي شوي ما في احد بس يعني اقول في مثل ينقال عن ذنبة الجلب
محمد : ههههه اي اعرفه ,, بس خسي اقوله للحبايب
زينب :
محمد : ها شخباركم وي تجهز للسفر
زينب : ماشي الحال ,, بس صار الي مو في الحسبان
محمد : ويش صار ؟ مات احد من اهلكم ؟
زينب : وي وي فال الله ولا فالك
محمد : عجل وي
زينب : جدتي بتجي ويانا
محمد : كل هذا على حساب جدتش بتجي
زينب : انت ما تعرفها قدي تملل كأنها عجوز النار
محمد: حرام عليش
زينب :اسغفر الله واجد تمللني و كل تنص نصايح هرار مثل وجهها ,, وتطحن ,, و من اشغل تلفزيون تبغي قنوات الي فيهم عزا و ادعيه وحالتنا حاله وياها
محمد : ويلي مثل جدتي
زينب : صدق
محمد : ايي لا ,, بس انا ما اتهاوش وياها واجد تدرين ليش ؟
زينب : ليش ؟
محمد : تتهاوش وي اختي فاطمه اكثر لان هي كل تطالع التلفزيون وتتهاوش وياها على القنوات ,, وانا كل بره فمن جذي لا اشوفها ولا تشوفني
زينب : اييي مسكينه فطوم حالتها مثل حالتي
محمد : الله يعينكم
زينب : ويصبرنا على ما بلانا
محمد : حشى سويتينه بلى
زينب : ويش نسوي بعد
محمد : فن في سوريا ما اظن اروح هناك
زينب : ايي عشان البنات الي يتصعون ويدلعون هناك ؟
محمد : لالا من قال
زينب : اعرفكم انتون يا الصبيان
محمد : انتين كل تشكين فيي وانا قصدي شي ثاني
زينب : ويش قصدك ؟
محمد : كان قصدي ان انتين بتكونين ويايي
زينب : اهاا .. زعلت ؟
محمد :
زينب : حموووودي حماده و فيك سكر زياده
محمد :
زينب : حموود يلا تكلم
محمد : احم
زينب : هلا بهل الصووت هلا
محمد: شخبارش
زينب : ههههههههههههههههههه ,, اذا انت منت زعلان اني زينه
محمد : لا لا تخافين انامو زعلان
زينب : عجل اني زينه بعد
محمد : انتين حليوه وكل شي بس كل تشكين ليش ؟
زينب : ويش اسويي مو ودي بس الهوا ضــــــــدي
محمد : الله الله
زينب : هههههههههههه
محمد : تصلحين شاعره
زينب : لا عاد لا تبالغ واجد
محمد : خخخخ انزين ممكن اعرف تحبين اي لون ؟
زينب : ليش ؟
محمد : لان اذا جيت بشتري لش هديه لازم اعرف اللون الي تحبينه
زينب : اهاااا ,, اني احب لون الوردي , و الاحمر
محمد : وجم مقاس رجولش
زينب : ماني استحي اقول
محمد : عجل جيفه اشتري لش نعال
زينب : مقاس رجولي .....
محمد : اهااا اوكي عجل عجل بجيب لش نعال لا صار ولا استوى مثله
زينب : وانت ويش اللون الي تحبه وجم مقاس رجولك ؟
محمد: احب لون الازرق , ومقاس رجولي .....
زينب: يصير خير ,, اوكي حمود اني الحين بقووم
محمد : وين تو الناس ما شبعت من سوالفش
زينب :ههههههههههه بقوم اتعشى
محمد : اهاا احنا من زمان اتعشينا
زينب : اها ,, يلا بااااي
محمد : بااااااي
طلعت زينب الجده تتحجج
الجده : اني ما اكل هل الاشياء الي فيها دهن
زينب :
مريم : جدتي ويش تبغين ؟
الجده : ابغي روبه و قرص خبز عشان اقوم انام
الام : ان شاء الله تفضلي
الجده : عجل اني آكل اكل يعسر الهضم
الام : بس هذا مو من المطاعم غير اني مسويتنه
الجده : ايي كل واحد كله دهن
زينب: انتين لو تسكتين واجد زين
الجده : تسكتيني ؟
زينب : ايي اسكتش
الجده : عجل ما ابغي اكل من عندكم وباقوم انام
الابو : اماه هدي اعصابش وهذي جاهله ما عليش منها
زينب : كل مسوييني جاهله
الابو : سكتي انتين الحين
الام : سكتي زنووب حبيبتي واكلي ,, هذي جدتش كبيره وكل تتحجج
زينب :
الام : يلا اكلي ولا تطالعين فيها جذي
زينب : انزين
***********************************
قعدوا بيت حجي ناصر من النوم يوم ثاني
زينب:الااااي باجر بنسافر باقي بس اليوم
الام : هههه ايييي
مريم : اماه اني بحمل ليي لعبة اتاري عشان العب في الباص ولا استمل
الام : احملي
زينب : اني بحمل ليي هتفوون ومجلات
الام : ايي حملي بس لا تحطين في الهتفون اغاني
زينب : لويش ؟
الام : الحين انتين رايحه للسيده وتحملين هتفون فيه اغاني ,, حطي اناشيد او عزا
زينب : لالالا باحط موسيقى هادئه عشان تخليني ريلاكس
الام : انزين
ساره : جان زين اني اسافر وي بيت عمي قبلكم او وياكم
زينب : ليش ؟
ساره: لان اذا سافرتون قبلي البيت بصير كريه و اني بسافر عقبكم بيومين
الام : ما علي بيقعد وياش اخوش هل اليومين
ساره : ادري بس كريه بدونكم
الام : ههههههههه كلها يومين
زينب : تدلع
مريم :
الابو : وين امي ؟
الام : هكي في حجرتها
الابو : اماه
الجده : هاا يمى تعال
الابو : هكو خلصت الاجراءات الي لش وخلاص صار كل شي تمام
الجده : غناك الغني يا حبيبي
الابو : ان شاء الله
زينب :
اتصل محمد الى زينب
محمد : هلا زنوووووب
زينب : هلااا
محمد : الليله بنسافر
زينب : ايييييييي الليله كشخه
محمد: ايييي
وقعدوا يسولفون متشوقين
جت المغرب وكلهم مستانسين والي تجهز اغراضها و حاله
الجده : زنبوووو قومو جيبي القدو بجهزه
زينب : القدو ؟ لويش ؟
الجده : لويش بعد عشان نوديه ويانا
زينب : امااه شوفي هي تبى تفشلنا
الام : عاادي ناس واجد يودووون
زينب : هذاني كل سنه اروح ولا اشووف ناس يودون قدو وياهم
الام : بلا شلخ قومي جيبيه
زينب : هي الي جايبه لينا البلوى
الام : قومي لا تتعاركين وي جدتش قومي
زينب : انزين
الابو : يلا بسرعه جهزوا اغراضكم عشان نروح الباص بسرعه
الام : ان شاء الله احنا جاهزين
مريم : وين عبايتي ؟
الام : هذا وقته يا مريم روحي دوريها هودش
زينب: يا خوفي هي تعطلنا
مريم : وينهي ؟ دورتها ولا حصلتها
الجده : اني فرغت يلا امشو نروووح
زينب : يلا خذ هاكي العبايه قاعده عليها حضرتها المسعده
الام : عمتي طلعتين قاعده عليها واحنا ندورها
الجده: ويش الي قاعده عليها
الام : عباية مريم
الجده : واني ويش دراني ؟ عندي علم الغيب
الام : انزين يلا امشوا
الابو : يلا له
الام : مع السلامه يا حبيبتي
ساره : مع السلامه اماه
الام : تحملي بروحش وكل صيري هادئه ها
ساره : ان شاء الله
وقعدوا يودعون بعضهم ابعض وركبوا السياره
مريم : مع السلامه يا دريتنا مع ااسلامه يا بيتنا مع السلامه يا بحريننا
زينب : سكتي ما صار جم يوم بنروح سوريا
الام : سكتي عنها
الجده : علي
علي : ها جدتي
الجده : هو انت بتجي ويانا
علي : هههههههههه لا بس اوديكم الباص له
الجده : لويش ما يودينا ابوك ؟ علمي به يعرف يسووق
الابو : اماه علي يودينا ,, اذا انا وديتكم من الي بيرجع السياره ؟
الجده : اييييييي يعني هههههههه نسيت
زينب :
مريم : اهيء اهيء
الام : ويش فيش يا مريم ؟
مريم : لا بس قاعده اطالع شوارع البحرين
زينب:
علي : ههههههههههههه بتفتقدينهم ها
مريم: اييي
زينب : حشى
وصلوا الباص ونزلوا عشان يركبون وهناك الناس متجمعه ..الي يحط شنطاته ونسوان قاعدين يشربون قدوو وجهال يراكضوون وناس مبطحين يحارسون ,,, و زينب قاعده تدور محمد ما سمعت الا تلفونها يرن
زينب : هلا
محمد : انا واقف صوب الباص
زينب : وين ؟
محمد : مكان الي يحطون الشنطات
دارت زينب ويهها ولا شافت الا واحد واقف
زينب :
محمد:
زينب في قلبها: حلييييييييييييو
الام : مع السلامه يا حبيبي
علي : الله يسلمش ما يحتاج تصيحين اماه
الام : اتحمل بروحك وقفل الباب ولا تخليه مفتوح
علي : اماه لا تخافين عليي ,, ادعي لينا
الام : ان شاء الله ,, في امانة الله
علي : في امانة الله وحفظه
و ركبوا الباص ,, وهناك بدأ المشوار
ركبوا بيت حجي ناصر الباص
زينب : هذا احلى مكان اني بقعد فيه لا تقعدينه مريم
مريم : و من قال اني بقعد وياش اني بقعد وي امي
زينب : ويي عاد ميته عليش روحي في الطقاق
الام : حتى في الباص تتهاوشون
قعدت زينب مكانها ولا دارت الا
ويش تتوقعوون ؟
,,,
,,,
,,,
الجده قابله بتقعد وياها
زينب :
الجده : اهووو انزحي ليي بقعد
زينب : روحي قعدي وي امي
الجده : امش قاعده وياها اختش ,, لا تسوين ليي بلاوي رجوولي تعورني
زينب : ما فيي قعده هني
الجده : وي ؟ تبيني اقعد وين ؟
الام : يووو فشلتنا زنبووو ,, زينب حبيبتي خليها الحين تقعد تالي بابدل
زينب : ماني الحين خلي مريم تجي ويايي وتقعد محلها هذي
مريم : ماني ابغي اقعد وي امي
زينب : تعالي ويايي
الجده : لمتى اني باضل واقفه
الام : قومي يا مريم ارحمينا روحي وي اختش
مريم : انزين
وحده من الباص : ويش صاير هني ؟؟
الام : هههههه لا لا ولا شي
وانحلت المشكله
مريم : زنبوو اذا تعلفتين بقعد اصارخ لو عساهم نايمين
زينب : ما بتعلف
السواق : يلا بنمشي صلو على النبي
الي في الباص كلهم : اللهم صلي على محمد وآل محمد
ومشى الباص
راعي الحمله : محمد روح جمع الجوازات من عندهم عشان اذا وصلنا الجسر ما نتوهق
محمد: ان شاء الله
قام محمد ياخذ الجوازات من عندهم و جا صوب زينب
محمد : لو سمحتون يا آنسات عطوني الجواز <<يفوشر
مريم : هاك ولا تقعد تتعنتر
محمد انحرج شوي :
زينب : تفضل
محمد شاف زينب : شكرا
قام محمد يروح ياخذ الجوازت من عند الباقي
مريم : شوفي هذا الصبي الي ياخذ الجوازات
زينب : ويش فيه
مريم : هذا اذا يشوفني في الطريق كل يضحك
زينب : لويش ؟
مريم : ما ادري
زينب في قلبها : يمكن لان يعرفها اختي
مريم : كل شايف روحه
زينب : هو ويش مسوي جان تقولين عنه جذي ؟
مريم : عجل شوفي شعره كأنه سهام ولابس برمودا ومزلط كانه جاهل في الروضه
زينب : بلا شلخ
مريم : يوو اذا منتين مصدقه شوفيه
زينب : اصلا هو حليو وانتين مستحره منه
مريم : ويييييي عاد ما استحر الا منه هذا
مر محمد عشان يودي الجوازات وشافته زينب
زينب في قلبها : جماله سلبني ,, وحبه نهبني ,, ومشيته تذوبني
مريم : هههههههههههههههه زينب شوفي مشته مالت لوفريه
زينب : هي هي حدش عاد
مريم : جي اتكلمت عنش ؟
زينب : الصبي ما اشوف فيه شي انتين واجد حاطه بالش وياه
مريم : لانه يقهرني
زينب : لا والله ...اني يعجبني
مريم :افهم من كلامش انش تحبينه ؟
زينب : والحب حرام ؟
مريم : لا بس عيب
زينب : يا سلااااام اول مره اسمع هل الفتوه
مريم : اووو روحي مناك , اني باقوم اقعد على الارض ولا اقعد وياش
زينب : روحي
راحت مريم وسوتها وقعدت على الارض
الام : يوووو مريم من الحين بتنامين ؟
مريم : ما اقدر اقعد وي زنبووو في كرسي واحد يوم كامل
زينب : هي ويش سوت لش ؟
مريم : كل تتعلف
الام : زنبووو حتى في الباص تتهاوشين ؟ الحين باخليش تجين مكاني ترى
زينب: لالالالا كل شي ولا هذا ,,, تعالي حبيبتي مريم تعالي ..سامحيني
مريم :
زينب : سامحيني
مريم : انزين بس اخر مره لش
قعدت مريم وي زينب وعقب شوي صار محمد عطشان و دبة الماي صايره صوب كرسي مريم وزينب ,,,,المهم راح محمد يشرب ماي وهو عيونه في زينب .....فجأه
مريم : هيي انت
محمد انزهق و من الزهقه طاح القلاص ( اشوى القلاص مو گزاز )
مريم : بل طاح القلاص من ايده هع
محمد في قلبه : كل من هل الغبيه زهقتني وفشلتني قدام زنووب
زينب في قلبها : بسم الله عليك
مريم :
زينب وهي متفشله : مريم انتين ويش فيش قعدي عاقله
محمد يقول الى مريم : انتين ربشه وراح مكانه
مريم : اني ربشه ؟ صبر باقول الى ابويي
زينب : تستاهلين عجل تزهقين الصبي لويش
مريم : اني ما زهقته بس صار صوتي شوي قوي ولا تقعدين تصارخين عليي لا كفختش هني
زينب : اشوف طلع لش لسان ترادديني به
مريم : كيفي
وهم يتهاوشون
السواق قام حط اناشيد اسلاميه
مريم : الاااااااي حليوه هي النشيده احبها
زينب في قلبها : صدق مجنونه توها تصيح والحين مستانسه
الجده بصووت عالي : هذا ويش هل الاغاني شيلوها وحطو لينا زيارة السيده زينب ,, يلا ,,, ما تستحوون على وجهكم بتروحون للسيده زينب وانتون تسمعون اغاني تبغون ربنا يخسف بنا
الام : عمتي هذي غير اناشيد اسلاميه
الجده : احنا جهال عندكم يعني ما تاخذون راينا
الام : ناخذ رايش في ويش ؟
الجده: احنا نبي زياره او دعاء
زينب : انتين ولاخير وياش كل تتعلفين وكل معترضه ؟ يا اختي كيفنا احنا نبغي اناشيد واذا معترضه روحي الحكومه هناك ارفعي علينا قضيه زين ؟
الجده : بتوديني المحكمه ؟ طيح الله حظش شفتون وحده تودي جدتها المحكمه وتسجنها << الاخت فهمت غلط
مريم : ما قالت جذي
الجده : انتين انطمي
ام محمد :صلوا على النبي ,, ما يحتاج كل الهواش هاش يا ام ناصر تفضلي اخذي
الجده : اني مو ام ناصر اني ام خليل
ام محمد : ههه انزين يا ام خليل تفضلي اكلي
الجده : هذا وي ؟
ام محمد : هذي بسبوووسه من ايدي
الجده : لا يمه اني ما اكل لا بسابيس ولا سكريات
مريم : سمعي جدتي قاعده تقول بسابيس
زينب : ايي تفشل ولا تحترم
الام : هههههه اييي عمتي مو تعوده تاكل حلويات اني باخذ والله يغنيش
ام محمد : جميع ان شاء الله
و راحت الى زينب و مريم
ام محمد : تفضلو يا بنات
مريم : اني باخذ ثنتين
ام محمد : اخذي حبيبتي عليش بالعافيه
زينب :شكرا والله يغنيش <<<تسوي روحها ما فوقها فوووق
تالي يوم راحت ام محمد
زينب : انتين فشلتينا ليش تاخذين ثنتين
مريم : اخذت حق جدتي
زينب :
مريم : حليوه هذي المره طيبه و كريمه
زينب : تدرين هذي من ؟
مريم : من ؟
زينب : هذي ام هذاك الصبي الي تقولين عنه لوفري
مريم : حلفي
زينب : والله
مريم : ما يناسب كلش
زينب: يناسب ونص |