أول شي شكراً هموسه على الموضوع النايس الي يهبل مثلك بس ليش حبيبتي مشطك دايم متعلق بسلسالك أفا ليش تحطين السلسال بالشنطه اصلاً المفروض السلاسل لها محفظه خاصه فيها ...,, طيب بجاوب على الاسئله * ماهي اهم الشياء الضروريه بحقيبتك ولاتستغنين عنها! أول شي بخاخ الربو (( سيمبا كورت )) اسمه ومعه الثاني فونتالين لاني عندي أزمة ربو ومشط للشعر الي اسنانه صغيرة وفرشه ومرايه شاريتها من قزاز على شكل قلب وعليها فصوص من برا أحمر وابيض .. فيه بوك الفلوس وبطايقي حق الصراف وبطايق المستفى وفلوسي وصورتي كاشخه بخشتي بالبوك وبطاقة الاحوال وكرت العائله (( وفيه محفظه صغيره فيها البودره المظغوطه من كرستيان ديور وقلم رسم الحواجب وعلبة ظل صغيره لون وردي وكحل عين أسود وعلبة عدساتي 2 وحده زرقا ووحده رصاصي فاتح الي هي عدسات حليمه بولند وعلبة الارواج الصغيره الي من مكياجي وعلبة أحمر خدود من ال جي وفرشة احمر خدود ومحدد للروج لون بنك )) هذي المحفظه وين ماأطلع أحطها بالشنطه للطوارئ يعني رحت عند ناس مستعجله وماحطيت شي أتكشخ بسرعه عندهم وعطري الي هو شانيل شانس ... وطبعاً الجوال جوالين واحد N95 والثاني LG KP 500 وغير البيت الي احط الجوال فيه وفي جيب شنطة الجوال حبوب منع الحمل هههههه ومفتاح البيت وحلاوة هيلز الحمرا وعلك اكسترا ونظارتي الشمسيه الي هي ماركة جيفنشي بروازها لونه ابيض عريض وفاين الجيب الي هو العلبه الصغيره وعلبة فازلين صغيره وكريم دوف المكثف العميق للايدي * هل تكون مرتبة من الداخل او حووسه كان هووشه طابه فيكم.... هههههههههههههه طبعاً مرتبه وأحب الترتيب في كل شي * وش الالون المفظلة لديك للحقيبه؟وكم حقيبه لديك بكل صراحة؟ صراحه في الشنط ماعندي لون محدد أفضله بس أحب كل لبسه أشيل نفس لون الشنطه والجزمه وانتو بكرامه والله كثير يمكن حول الاربعين إذا مو زود * ممكن موقف سريع حصل لك ..يعني نسيت شئ مهم من حقيبتك؟نسيتي حقيبتك ؟ بمكان مثلا ومن هالحتسي !! تخيلي مره رحت أشتري جزمه وانتو بكرامه محل سبرينغ وأحط شنطتي جنبي وفيها كل ماذكر فوق وفيها طقم الماس نزلت أسومه أيام كان الذهب غالي قلت إن جاب لي قيمه بعته لاني مليت منه وقيمته يوم شريته (( 14000 ريال سعودي )) وطبعاً خليتها على الطاولة وسبحان الله تجي حرمتين ومعهم ولد كبره يمكن أنه بالمتوسط ثالث متوسط كذا ويجي وأخذ الشنطه الولد والحريم يغطون عليه أنا أنهبلت قمت أقول هي ولد جيب الشنطه قال هي لك اسف بغيت اروح ابلغ انه فيه شنطه مفقوده قلت لا ياشيخ ليش ماسألتني يوم أنك فيك خير كان قلت لي ذي الشنطه لك قال ماشفتك اصلاً أنك في المحل الله أعلم هو كان بيلقطها ويمشي وانا كفشته ههههه ولا كان صادق بس الحمد لله ماعمره انسرق لي شنطه * شنو لون حقيبتك؟ كثير ألوان عندي الاسود والاحمر والاصفر والاخضر والزيتي والبني والبنفسجي والفضي والذهبي والبرتقالي وغير المخططه الوان وغير الكاروهات يعني تقريباً كل لون عندي بس حقيبتي الي دايماً كل طلعاتي فيها للسوق للحدايق في كل مكان أسود * واخيرا تصورين لينا حقيبتك وتفرجينا عليها ازا ما عليكي امر ؟؟.... والله ماأعرف أصغر الصورة وأنزلها بالمنتدى تطلع كبيرة الحجم بس انها فرساتشي وهذا موديلها يحق لهم يبون يسرقونها صح وشرايكم في موديلها جنان صراحه والناس اذواق بس أنا حبيت الشنط كبيرة الحجم لانها تشيل كل اغراضي وفي نفس الوقت تعطي أناقه غير شكل يعني والواحد لازم يجدد ويتنوع ولا يستمر على نفس الاستايل طبعاً فتشتو شنطتي وأنا ماأحب أحد يفتشها وأعصب من بناتي الصغار يوم يفتشون فيها بس يالله هالمره بس مسموح بعدين لو ضاعت ووحده لقت نفس هالاغراض على طول ترسلي على الخاص هههههههههه اتمنى ماأكون طولت عليكم بالرد واتمنى أني كنت ضيفه خفيفه والحين أختار أميرة الجمال ترد بعدي وتجاوب على الكوسشن مارك ؟؟؟ تشاااااااو