البنت المميزة - عرض مشاركة واحدة

كويتية كيوت:) · 19-03-2008, 01:06 AM

ودكم تضحكوووون

الله يسلمكم هذا الموضوع ناقلته من منتدى ثاني

الكويتي إذا ما قط تعليق مني وإلا مناك يمرض
اقروا المواقف و ضحكوا كثر ما تبون
.

<<كل وحده تقص سالفتها مع تعليقات ريلها اقروا وعلقوا
.
.

تعرفون اغنيه (آدم) اللي اسمها كيفك انت..!!شفتو بالفيديو كليب البنت لما كان نايم جان تقعد تناقز بالفراش عشان تقعده والذرب بكل رومانسيه فتح عيونه والابتسامه شاقه الحلج
رفيجتي يعني طالعه فيها بتسوي نفس الحركه بزوجها يوم كان نايم
عاد بنت الحلال بطبوطه..تقول كشخت وقعدت اناقز بالفراش
توقعووون لما فتح عيونه زوجها شقال !!!!!!!!!!!!!!!!!!!!
انثبري لا اصفقج بالأباجــــــــــــــــــورة هههههههههههههههههه

*****
كنت حامل بالخامس وعندي استقبال فمسويه شعري ومكياجي بمس ون ولبست بدله مع شال كبير غطيت فيه بطني
المهم لما رحت الاستقبال يتني وحده سلمت علي وسألتني انتي العروس؟؟؟؟
عاد انا طرت من الفرحه ورحت سيده دقيت على ابو الشباب وقلت له
تدرون شقالي
قالي خوش عروس حامل حشا صبوحه خطبها نصيب !!!!!!

*****

بقولكم موقف موتني من الظحك على ريلي مرة انا كنت حاطة كحل ابيض على عيوني جان يقولي انتي ما تغسلين ويهج من الصبح ليش هالغمص بعيونج ابذمتكم مووووووووو احباااااااااااط ّّّّّّّّّّ !!!!!!!!!!

*****

مره كنت شاريه كريم حق الايدين على ريحه ليمون يبيض و ينعم

عاد ذاك اليوم حاطته بالليل ودشيت فراشي ,,, ماشوف الا هاللي يشمشم شفيك شصاير

الا هاللي يقول ماجني داش غرفة النوم جني داش الفرضه (شبرة الخضره) لووووووووووووول

*****

مره قعدت من النوم مبجر وقلت خل اقعدة من النوم بنعومة
جان اقوله باذنه احبك تدروووووووون شنو رد على ؟؟
قالي حبيني بعدين بنام الحين

*****

واااااااي انه تنبط جبدي من ريلي لمن اكون معزومه مكان وبسوي بف بشعري ويوقف يمي يسولف وانه اكشش شعري عشان البف يقولي حبيبتي اشفيج عسى ما استخفيتي اوديج يقرون عليج

ويفشلني لمن نروح محل ألعاب او مكان فيه العاب حق اليهال اقوله خل ناخذ هذي اللعبة حلوه عشان ولدنا يتعلم جذي وجذي .. يقولي جدام اللي يبيع او اللي تبيع خلصيني قولي انج تبين تلعبين فيها هههههههههههههههه

وأعرف وحده سوت جو رومانسي حق ريلها يايه بتدلعه .. حطت له شموع بالدار وتقول لمن دش سوالها حركة البوذه .. يقولها داشين معبد بوذه احنا جذي مسويه واااااااااااااااااي دفشين :P

*****

الله يسلمكم انا يعني اسكت امسوي ليييييييييييييييله
وقايمه ماخذه هذيل الليتات من بو100 وقاصتهم لونهم وردي نفس داري وامنثرتهم بالغرفه وامسكره الليتات

وانا لابسه لبس فرعوني ايهبل ولابسه باروكه نفس مالت الفراعه وخاطه الكحله واقولكم حاااااااله
وقاعده على الكرسي الهزاز انطره المهم سمعت الباب رحت اركض وانخش ورى الباب
فتح الباب لقى الدار فيها شي فسفوري يلمع على الغرفه كلها
ولقى الكرسي الهزاز يتحرك ابروحه لاني قمت ابسرعه
يناديني وانا ساكته دخل وسكر الباب ولا انا وراه
وينقــــــــــــــــــــــز نقزه من الخرعه بغى يوقف قلبه
جان يقولي يماااااااا جنج كليوباترا ههههههههههههههههههههههههههههههه

حبيبي وعليه اخترع ماتسوى عليه

*****

انا وايد يعلق كله تعليقات احباط بس مو ذاكره شي معين الا يمكن الي كنت مزينه الغرفه بالشموع وموسيقى هاديه دش الغرفه والا يقول بسم الله الرحمن الرحيم شنو بتحضظرين ارواح

*****

كنت صابغه شعري بلياج وكانت اول مره اصبغه وريلي ما يحب
الالوان الفاتحه يحب الشعر الغامج
انزين وعاد طالعه من الاربعين وكاشخه وضعفانه وشعر الكل يقول
لي جنج باربيه الحين انا خايفه من ردت فعل ريلي
واول ماشاف شعري ولا يقول ووع شنو هذا جنه بلاليط !!

امبي كان ودي اروح لاي صالون اغير الون مع اني صابغته بشيء وشويات
قلت عاد لازم احلل فلوسه لوول ومامر ثلاث اشهر وغيرت اللون

ومره كنت لابسه تراجي المدور حيل واول ماشافه ولا يقول
بسم الله شنو هالتراجي اسد بيمر منه؟؟

ومره كنت شاريه صندل
يهبل وسعره 35 دينار ولا اقول له شرايك؟
ولا يقول شاريته حق الخدامه؟
ولا اطالعه جذي سكتت ولا اعطيه صج الخدامه من الجره ولا يقول
لي بعدين اتغشمر معاج حلو من صجج انتي حزته بغيت اسوي فيه جذي

*****

اما عن نفسي لما كنت حامل ما ادري شسوي بعمري خبركم الحامل اي شي تلبس تحس ان مو حلو عليها المهم مرة من المرات كنت لابسة قميص نوم قصير لون ابيض وكنت داقة عليه ولا اهو ياي بالطريج يعني ما يمديني اسوي شعري عاد تدرون فيني اموت عالبواريك جان اللبس باروكة شقرا مايلة على البياض اشوي واحط مكياج العين ناعم مع حمرة لون احمر ولا بعد رازة عمري وقاعدة بالصالة اول مادخل جان ينقز نقزة يقوووول والله عبالي ينية قمممممممممممممممممة الاحباط عاد حدي مو ناقصة وانا حامل بس تبون الصراحة شكله كان صج مخترع هههههههههههههههههههههه

*****

انا مرة كنت لابسة قميص نوم طويل اللي يصير كأنه فستان سهرة
المهم رافعة شعري وحاطة المكياج ولابسة اكسسوار ولبست عزكم الله الجوتي الكعب ولا الحبيب يقول لي بكل براءة: هاا بتطلعين وين بتروحين؟
وااااي انا لابسه قميص وامطلعه (...) وشسمونه واهو يقول لي وين بتروحين

*****

مرة علق على بيجامه شاريتها من لاسنزا قالي :- خبازنا مضيع سرواله اليوم أثاريه عندك ..

طبعا احتريت منه قلتله صج مو كفو شاريتها ب15 وتعلق عليها بعد وصرت اعانده البسها دايم علقت عليها شسوي احب اعانده )

*****

شريت بجامه من بي اتش اس على قولة مره عيوز تسميه أم بي سي أول ما طلعت هالقناة سمعتها تقول لبنتها أمشي نروح للأم بي سي ... خو عادي أمي تسمي الهايدبارك اللي بلندن هاندباق ( جنطه ) وعليها أخذي بدليات عيايز
ما علينا بجامتي مقلمه ... ما وعيت إلا ريلي يقول لبنتي شوفي هالشرشف شنو يشبهه بالغرفه ؟؟
لا وأنا رازه ويهي وأقول الفوطه يقول : لا
وإهي ويه المخده يقولها : لا
عيزنا وإحنا ندور .... جان يقولها شوفي صروال أمج
( الدفش ما يعرف حتن يقول بنطرون أمج وإلا بجامتها )
والله عقبها حرمت أشتري شيء مقلم والسبه أهو
*****

أحب قبل لا أنام أحط حمره ... كل ما شافني حاطه حمره قال ولييييييييه حطت ديرماااااااانه
( كح كح يسمي الحمره ديرم )

*****
مره رفيجتي تقول لابسه شورت ولونه أزرق وفيه خط أبيض تقول لمن شافني ريلي قالي أيوه أيوه العنبري ..يعطيها لجاسم يعقوب وقوووووووووووووووووووووووووووووووووول
( زاهبين حق التعليقات )
*****

ورفيجتي الثانيه تقول كنت لابسه تايقر ... تقول لمن شافني زوجي فجأه نقز على السرير وتلحف بالكفر قال نمر بالدار لحقوووووووووووووووووووووني

أول ماا تزوجت لبست قميص فيه ريش ههههههههههههههههه
وطبعا قبل لا يشرف رحت الصاله ابي شغله كانت شقتي صغيره فالريش طاح منه شويه بالصالة لما دخل الغرفه وشافني تدرون شقاااااااال

قالي
وأناااااااااااااااااااا اقول شكو الدياي بشقتنا اليوم ؟؟؟
وانتف له عشه العصفووووووووووووووور
ههههههههههههههههههههههههههههههههههه قمة الاحباااااااااااااااااااط

موقف ثاني كنت لابسه شورت جان يقولي شفيج اليوم جنج حكم بمباراة ههههههههههههههههههههههههه

مره بالليل وصلني خبر وفاة وحده اعرفها شوي من بعيد
بس ضاق خلقي عليها
وابو الشباب رايح شخري
عاد فتح عينه ولا انا ابجي
قالي شفيج؟؟
قلت ضايق خلقي
قال وديه الخياط يوسعه

واااااااااااااااااااااااااااااااااااي هذا وقته
انا ضايق خلقي على المره و ابجي واهو فااضي

صج بط جبدي

وااااااااااااااااااااااااااااااي ..

مت مت من الضحك صج كركره ...

انا شكثر تعليقاته يعله شقول ..

بس اخر تعليق .. انا عندي دراعه لونها بنفسجي وفيها خامه ثانيه مخططه بعد لونها بنفسجي ..وفيها خيوط وجذي ..

المهم توني راده من حمولتي .. جان يقوللي

شنو هالدراعه الحلوه جنج من اهل قريش

قهرني جان اقوله كله عشانك يا ابو لهب ..

مرة كنت لابسة قميص مال طلعة وايد كشخة مع بنطلونة من فيلا مودا

ومكتوب عليه كتابات يابانية جان يقول ريلي تدرين اشكاتبين ؟قلت اشدراني

جان يقول ( يتطنز طبعا) مكتوب انا حمارة انا كلبة ,,,,تخيلوا كرهت القميص وما لبسته ,

مره كنت مسويه ديكور الدار كله احمر بأحمر والكفر أحمر جان اقوله اول ما انسدح على السرير شرايك حلو الديكور
جان يقول اي حلو جني نايم بحلج هندي!
لووووول
حده انصفق ويهي وما عرفت ارد خخخخخخخخخخخ

امبي عيل سمعوا تعليق ريلي و ابجوا معاي تخيلوا من فترة يكون متزاعلين والحالة حالة و لاحظوا انه هو الغلطان المهم بعد يومين يااالله قدر انه يراضيني و عازمني على مطعم صيني و أنا طول الوقت ساكتة يكون زعلانة للحين جان يطلبله بطة شوفوا شوفوا اللي بيدلع تخيلوا جان يقوللي أنا أحب البط لأنه يذكرني فيج يا بطة و يقفل على الكلمة عاد والله زين انه ماطلعتلي قرون حزتها معنى حرام كلش ماني متينة يعني حتى ألحين مع الحمال ما انتفخت وايد! لا و الضحك عاد يوم الفلبينية يت تحط الكل يقولها thank u انشالله u become muslim!!! لا لا مو من صجك عاد انت شكو فيها اشهالحالة

لوووووووووووووووووووووووووووووووووووول ربي يخليلهم أزواجهم....

طبعا وما خفي من التعليقات كان أعظم ما نقلت كل شي تعبت وانا انسخ

خخخخخخ

أنطر ردودكم حبايب قلبي

أختكم:كويتية كيوت

كويتي ديرتي مني سلام...لاأبد مااااااترخصيين لأكتبلج شعر وغرااام ...وأنشد الله... ...تسلميييييييييييين

سبحان الله وبحمده
سبحان الله العظيم