بسم الله الرحمن الرحيم:.


بصراحه مدري كيف أببدأ

بس بتكلم من باب انه جد شي يحززز في الخاطر..

سؤال يحوووم بداااخلي



ليه نستصعب ترك المعصيه..؟!!.

ليه نستصعب اننا نقدم هدية بسيطه لأنفسنا

هدية أمرنا الله فيها,من باب ان لنفسك عليك حق,,

وحقها انك تجنبها النار بكل ماأوتيت من قوه..


بالله في أحد يرفض هدية تقدم له

أعتقد الكل مغرم بالهدايا..

حتى لو كانت بخيسة ورخيصة..

وعندنا الأفضل والأغلى منها..مع ذلك نطير بشوفة الهدية..


فما بالك بهدايا الله لك.. وأعظم هداياه..

هي كل ثانية من عمرك ..



الله أعطاك عمررر..رحمةً بك

لتنظر لنفسك,,لتحاااسب نفسك,,قبل لا يفنى عمرك وذنوبك لساتها مافنت


ولمن أقول معاصي وذنوب،لايتبادر إلى أذهانكم..

قتل،،سرقة،،زنا والعياذ بالله

أو المعاكسات والإنحراف و و و و..الخ


المعصية لو حتى بمجرد إنك ترفع صوتك ع والديك هذي أكبر معصية

بحق الله ثم بحق والديك اللي أمرك الله بطاعتهم..

((فلا تقل لهم أف ولاتنهرهما..وقل لهما قولا" كريما"))


الكل حافظ هالآية عن ظهر قلب..

بس القليييل اللي طبقها،وماأستثني نفسي منهم..

ياما أخذتنا لحظة الغضب ورفعنا أصواتنا عليهم..دخل علينا الشيطان من هالمدخل..

مدخل الغضب ومدخل ضعف الإيمان والتهاون في الإكثار من ذكر الله

والله والله لو ألسنتنا تلهج بذكر الله لما وجد الشيطان علينا أي مدخل ..


فبرفع أصواتنا عليهم،

كذا عصينا الله معصية كبيييرة..وأغضبنا والدينا فسخط الله علينا

فما أعظم من سخط الله سخط..


فمثل ماذكرت

المعاصي..ليست فقط بالكبائر إللي تتبادر إلى أذهانكم..

المعاصي اللي نفعلها بحياتنا كثيييرة وإحنا ساهين..

والأدهى نشعر أحيانا إنا ع الصراط المستقيم وإنا خيرة الخلق.


.لأننا بكل بساطة نقارن أنفسنا بمن أخذته الدنيا وضاع في سراديب ظلماتها ..

نرى الظاهر من أعمالهم لكن لاندري ماهو الخفي منها..

يمكن إن عنده من الأعمال الصالحة إللي تدخله الجنان.


.او حتى ترفعة للدرجات العلا من الجنة. ماتدرون..!!


كالبغي اللي دخلت الجنة عشان كلب يلهث من العطش،


أسقته رشفة ما،فكان سبب ياسبحان الله أن يغفرلها الله ويرحمها برحمته فيدخلها الجنة..


فلا تستنقصون إيمان الغير وأعمالهم وتتفاخرون بما عملتم من صالح الأعمال


اللي من الممكن أن قد ضاعت منها خالص النية لوجه الكريم فتحبط ..





فالمهم..

واللي تخنقني منه العبررره

لمن تنصح شخص غاااااالي..تحببببببه,تبي له الخيييير


تنصحه يترك درب الخطأ وتحاول تجنّبه شر نفسه وتجنّبه يكون للشيطان عليه مدخال,,




فيرد عليك بعد ماكسرت خاطره وحس انه افحمك من كثر ماتلّح عليه


والله ودددي بس مابعد جاني الإيمان التام والقناااعه عشان اترك هالطريق.



طيب متى بيجيييييك..؟!!

بالله قلي؟؟



إسأل نفسك

متتتتتتتتتى؟؟؟؟




بتحط يدك ع خدك وتمد الثانيه وتجلس ع الرصيف


وتقول لله يامحسنين..من عنده زود إيمان يعطيني


شي عجيب؟!!



أو شخص ثاني يقول لك بعد ماتسدح له كل دليل وكل بينه ع ترك المعصيه

محبببببتاً" وخوفا" عليه ومن الصميييييم



فيرد عليك بكل ثقل واستهتار وكأنك قاعد تدعوه للبوذيه او النصرانيه +_+

والله ياالغالي كل واحد له وجهة نظر وأنا احترم وجهة نظرك.



أييييييييي وجهة نظر واللي يررررحم غاليك <_>



بالله وينهي وجهة النظر فيه؟!!..


اشّرلي عليها بس وساعتها بنتناقش وياتقنعني يااقنعك..



الحين الحلال والحرام صار فيه وجهة نظر؟!!!

الله المستعاااان

بجددد مدري شلون الناس إللي أعمتها المعصية تفكر..

مالك إلا تسكت بعد النصـــح وماتجاريهم دام السكووت أحياناً" أبلغ من الكلام وتسأل الله لهم الهدايه,,




القلب بس شرهاااته ع اللي دايم الدوم وافيييين..

والعكس والله ماعليهم شفاااقهـ



أنا بكلامي هذا مااا أدّعي الكمااال

وما ألومهم أبددد

لأن بيوم كان تفكيري كذا..ويمكن لازااال+_+

كنت أتضايق ساعة شخص ينصحني بترك غلط حبيته وأعتدددت عليه

والأدهى اني اتعذر لنفسي واحلل لنفسي المعصيه

أستغفرالله..شلون الشيطااان يجري في الانسان مجرى دم

ويصغر بعيونا الخطيئه

.. وتحسبونه هينا" وهو عند الله عظيــــــــــــمـ..


حتى وان كانت هالخطيئه صغيره

مصيرها مع الأيام بتكبررررر..>وحط هالكلمه بين عيونك,لأنك راح تتذكرها بيوم

تحسب الشيطان بيخليك بحالك..وبيكتفي انه وصّلك لهالحد من الخطأ





لااااااااااااااا ماراح يرتاح لين يتيقن من مقعدك من الناااار

لين تموت وانت مغموس بالخطايا غمس



ماننكر ان للخطيئه لذة..لكن لذتها زااائله ويمكن لذتها تدّفعك الثمن غاااالي

مثل مادفع آدم عليه السلام ثمن خطاه لتفاحة أكلها بعد مانهاه الله عنها

..لذة مؤقققققته ..




كلفته إستبدال جنه ابديه بأرض فاااانيه

.

محد معصوووم من الخطأ..حتى الأنبياء والرسل يخطأون

لكن التوبه بابها مفتوح..وخير الخطّائين التوابين



فأسأل الله لي ولكم الهدايه

والثبااات ع الطريق المستقيم



ويااارب كل مخطىء يستغفر ربه ويترك خطيئته لوجه الكريم..>


دعاء اعني به نفسي المقصره قبل اي شخص آآخر


أي شخص إعتاد سماع الأغاني،،

أي شخص إعتاد متابعة تلك القنوات أو الأفلام الهابطة،،

أي شخص إعتاد تأخير الصلاة،،

أي شخص إعتاد التدخين،،

أي شخص إعتاد هجر القرآن،،

أي شخص إعتاد أي معصية أي" كانت،كبرت أم صغرت..

فليتركها لوجه الله وكله يقيييين،،

أن من ترك شيئا" لوجه الله،

|[عوضه]| الله خيرا" منه..

هذي كلمه من الله

فإن لم تثقوا بوعد الله فبمن بعد الله سوف تثقون!!!



فإن كتب الله لنا اليوم عمر فماأدرانا مايحمله اليوم التالي



اطلبوا الله الهدااااايه

اطلبوه وألحّوا عليه بان يليّن قلوبنا المتحجررررره

..فهي كالحجارة او اشد قسوة..

غلفتها الخطااااايا..حتى اعمت اسماعنا وابصارنا فلم نعد نسمع سوى ماتمليه علينا شهواتنا



يارب تهديني قبل لحظة الفوووت.ْ.وتغفر ذنوبي ياكريم العطايا.ْ~

أشكيك هماً داخل الصدر مكبوووووت.ْ.

وايامي اللي بالخطايا ملايا.ْ~



وأخيرا" ..~

أتمنى كل شخص قرأ هالموضوع +_+ مايخليه يوقف عنده وينشرهـ باللي يقدر عليه..

عسى الله يرفع بها حسناتنا وتكون سبب في مغفرة ذنوبنا..

من يدري؟..

قد يحط الله بها كل خطايانا،وتكون سبب في دخولنا الجنة!!!

{..لاتحتقرن صغيرة"..} إن الجبال من الحصى

جـــــــزاكم اللــــــه خيــــــــرا



سئل احد السلــــــف هل يذوق لذة الايمــــــان من قام بالذنب



قال ولا من هم به


اللهم اهدني وجميع الموحـــــــديـــــــــــن

يسلموووو ع المرور الله لايحرمني منكم

جزاك الله خير

جزاك الله كل خييييير ولاحُرمتي الأجرررر



الله يسعدك