 رد: لجسم خيالي وممشوق ومشدودعلى طول بأذن اللة تعالي شوفي الطريقه | |
انتبهوا يابنات لا تفقدوا صحتكم بحثا عن الرشاقة
تأكدوا من اي من منتج قبل ما تغامروا
وجوجل ما يقصر بضغطة زر يطلع لك كل المعلومات
هذا المنتج فيه كثير من الشائعات حوله
واغلب اللي استخدموه شعروا باعياء وخمول وجفاف في الحلق وخفقان .. الخ
وهذا اقتباس من كلام احدى الاخوات اللي جربوه نقلته لكم من احد المنتديات :
كتبت بواسطة chammol »
حبيباتي أنا قلت أشارك معاكم و أعلمكم شو اللي حصل معاي بالضبط بعد إستخدام الفيتوشيب 000 بصراحه أنا إستخدمت منه علبتين ووقفت عند أول شريط من العلبه الثالثه و نزل وزني 6 كيلو وكنت فرحانه حيل بالنتيجه هذي و لكن الصداع صار يزيد و يزيد و عضلات جسمي قامت تتنافض و تركيزي قل للأخر و عيني قامت تزغلل مع إني كنت أكل زين 0000 فلما رحت للطبيب لقى إنه ضغطي مرتفع و لما حكيت له الحكايه طلب يشوف الدواء و لما قرأ المعلومات المكتوبه عن الدواء قالي الله يهديك 000 يعني إنتي صحتك رخيصه عليكي لهذي الدرجه ؟؟؟؟؟؟؟؟ وقالي إنه الدواء هذا صحيح إنه دواء عشب لكن له تأثير على المخ يجعله يفرز ماده إسمها اللأمفتامين وهذي الماده هي اللي تثبط حاسة الجوع وفي نفس الوقت لها أثر سلبي على الدماغ كما إنه الصداع يكون نتيجه للإرتفاع ضغط الدم كأثر جانبي للدواء 000 وهذا اللي حصل معاي يا بنات بمنتهى الأمانه ومن ساعتها بطلت الفيتوشيب و حمدت ربي إن الأمور وصلت لحد كذا وبس 000 و بعد ما وقفت الدواء ب حوالي 3 أسابيع رجع ضغطي طبيعي وزاد وزني 4 كيلو من اللي كنت نزلتهم 000 لذلك يا حبيباتي صدقوني أي شيء راح تاخذونه الحين عشان تنزلون وزنكم لما تبطلونه راح يرجع وزنكم مثل ما كان (حتى لو الله سلمكم من أثاره الجانبيه) 0000 أسأل الله لكم جميعا العافيه 0000 والحل الوحيد هو التغذيه الصحيه والرياضه فقط ولا شيء غير ذلك صدقوني 000 و الناس اللي ماخذين في بالهم فكرة إنه الأعشاب مالها أثار جانبيه أو إنها إذا ما نفعت ما تضر إسمحوا لي أقولكم إنه لا بأس من سؤال الأطباء ذوي الخبره عن هذا الموضوع فأشهر دواء لعلاج أمراض القلب ( Digoxin ) هو عباره عن عشب و إنظروا الى آثاره الجانبيه الخطيره المعروفه 0000 عموما أنا أقولكم هذا الكلام للتنبيه والتحذير و التذكير و للنصيحه عن سابق تجربه و إنتوا كيفكم (اللهما هل بلغت000 ؟ اللهما فاشهد ) والسلام عليكم ورحمه الله و بركاته | 
20-08-2008, 11:40 AM
المواضيع الجديدة في قسم دايت شوب المميزات 
العرض العادي
