يابنات أبي منكم خدمة وساعدوني تكفون
وزني كان 56 وصار اللحين 44
أحس بقهر لدرجة كرهت نزلت السوق
ودي بأي شي يرجع صحتي المشكلة
مالي نفس بالأكل لو أجلس 3بدون أكل
تكفون تفكون والله تعبت ماخليت علاج
وكان وزني سبب نزولة صدمه
رسوبي بالكلية مع أمتيازي

منتطره ردودكم بأسرع وقت
تكفون.....................................

__________________

__________________

حبيبتي

قبل اي شئ لازم تؤمنين بالقدر وان الله قدر لك الرسوب
والدنيا مانتهت لأن هناك الف فرصه لك وماتدرين يمكن خيره لك
قال تعالى ... وعسى ان تكرهوا شيئا وهو خير لكم..
يمكن جلوسك زياده بالكليه خير لك من ان تتخرجين وتجلسين في البيت بدون وظيفه <<< مثلي انا تمنيت لو اني راسبه علشان جاني الهم من الجلوس في البيت هههههههههه

طبعا الصدمه ان شاء الله تزول مع الايام حاولي انك تشربين مويه مقري فيها وتقرين على نفسك لمدة شهر وصدقيني راح تطمئن نفسك وترجعين طبيعيه مثل اول وتنفتح نفسك

فيه شئ اسمه ( عصفر) تلقينه عند العطارين هذا يعالج الروعات والصدمات
يشبه الزعفران بس شكل ثاني تحطينه مع مويه وتشربينه يهدئ الصدمه
وتراه معروف عند الطبيبات الشعبيات ومن الأزمان يعني مو شئ جديد
اجدادنا كانوا يستخدمونه واذا عندك جده اسأليها وراح تعرفه

ايضا حاولي انك ماتفكرين كثير وتعطين موضوع الرسوب وقت من تفكيرك
كلما تذكرتيه تعوذي من الشيطان وسبحي الله واستغفري

حافظي على الإستغفار كثير لأن سبحان الله الإستغفار يجعل في حياتك بركه ورزق
قول الله تعالى : ( فقلت استغفروا ربكم إنه كان غفارا * يرسل السماء عليكم مدرارا * ويمددكم بأموال وبنين ويجعل لكم جنات ويجعل لكم أنهارا )

والمثل يقول اضحك للدنيا تضحك لك
وترها دراسه وماتسوى انك تهملين بصحتك علشانها
واعرف ناس متفوقين وصلوا لمستوى رابع وانطوى قيدهم بسبب مشكله
ودرسوا من جديد في تخصص آخر وسبحان الله كانت لهم خيره لأن الله فتح لهم
وصارت لهم منصب مايتوقعونه

هذي الدنيا ياقلبي لأن كل الللي يصير لنا من القدر الله كاتبه قبل ماننخلق
والله يسيرنا
فانتي مشكلة جدا سهله


فيا حبيبتي انا جبت لك الحل من الأساس

جربي اللي قلت لك شهر وراح تتذكرين كلامي
وان شاء الله وزنك بيصير 60


اتمنى اني افدتك
والله يعطيك اللي تتمنيه ويوفقك بدراستك ويسهل لك امورك
ويبعد عنك الشر

__________________