كلمات القصيدة

---------------------------

ناقتي يا ناقتي .. لا رباع ولا سديس
وصليني لابتي من ورى هاك الطعوس
حايل(ن) رابع سنه من خيار العيس عيس
خفها لا درهمت كنه بالنار محسوس
في دجى خالي خلا .. لا حسيس ولا نسيس
تدوخك من شدة البرد طقطقة الضروس
في عيوني يكفخ الطير ويطيح الفريس
وانتهض جساس من دون خالته البسوس
وفي خفوقي فرخ جنية(ن) يضرس ضريس
يوم اوردها هجوس(ن) واصدرها هجوس
ديرتي دار ابن ضاري وابن غثلم جريس
ديرة اللي دوجو في فيافي نجد جوس
ديرتي يا بنت شيخ(ن) ومعدنها نفيس
عيطموس(ن) دونها دثرتني عيطموس
جادل(ن) مطرق جسدها مع الغربي يميس
طينة(ن) من تربه الخلد والدم محموس
نقشت خمس(ن) من الخمس في يوم الخميس
ليت شعري ما ارادت بهذا دختنوس
كم تمنى امعه مثلها فتنه ابليس
كان يمكن قد قلب نصف امتنا مجوس
كن دماث الصدر منها كنيسه او كنيس
صومعة رهبان دين(ن) يؤدون الطقوس
آتقوس مع تقوس نواهدها واقيس
قبتين(ن) قاب قوسين قوس(ن) جنب قوس
خصرها يحكي لنا واقع القوم التعيس
وردفها عن غطرسة بوش يعطينا دروس
وبالرغممن قصرها ما يجالسها جليس
تصبح اطول نسوه الارض في وضع الجلوس
العروسه ماتبي غير ابو تركي عريس
العروسه نجد ماهي بحيا الله عروس
نجد بنت المجد ونسة مونسة الونيس
ما عسفها الا معزي ضحى يوم العبوس
كل اهل نجد(ن) هلي من آجا حتى الخميس
في ذراهم بلتجي عن مجففة الرسوس
وعيشتي ما بين اسود(ن) ولو ماني رئيس
خير من كوني رئيس(ن) على شلقه تيوس
وليس عيب ان خدعني بمكره كل هيس
لأن ما يفهم بمكر الهيوس الا الهيوس
مصطفى في مأدبه عمه البابا لويس
كبر اللقمه تحت ضوء حمراء الكؤوس
وطسم حدتها على حائط المبكى جديس
يوم شقت ثوبها بنت عفار الشموس
سيده هاك القصر اسمها الاول لميس
دونها سمر الحناجر بترها حد موس
قسقست لأحرارهم قيس قيس قيس قيس
والبستهم من مهانتهم انواع اللبوس
بين خدعه كعب أخيل(ن) ومولد ادوريس
درسونا الاله والمدرس هو مروس
ويش لاقو من قناه السويس اهل السويس
وويش لاقو من تلمسان قوم منسنوس
كلهم من شدة الجوع راحو خندريس
بين غيبوبه مخدر وصحوه عرق سوس
ثورة(ن) راحو سببها بتوع الاوتوبيس
وش نبي فيها وهي ما تهز الا الغروس
آفه المرء اثنتان .. إلف كاس وحب كيس
والنفوس اليا بغيت تعرفها ارم الفلوس
ينكشف زيف الشعارات الا حمي الوطيس
ترجع الاذناب اذناب وتبقى الرؤوس رؤوس
صدق لا قال العرب ما يحوس الا الخسيس
ولا يوطي الرؤوس شي مثل ضعف النفوس
ناقتي يا ناقتي لا رباع ولا سديس
وصليني لابتي من ورى هاك الطعوس

__________________

اشكر اختي ملاذ الحب على تصميم هذا التوقيع والله يوفقها دنيا واخره

قصيده رررررررررروعه >>>>صح لسانك يا ناصر العروسه ماتبي غير ابو تركي عريس

__________________

صح لسان ابو فارس وفاله البيرق باذن الله

يعطيك العافيه الدعم الفني

__________________

«®°·.¸.•°°·.¸¸.•°°·.¸.•°®»يستاهل البيرق ابو فارس بيض الله وجهه ماقصر«®°·.¸.•°°·.¸¸.•°°·.¸.•°®»