يعني أعطيك الثقه وتردها بلوية ذراع ....!

javalola · 29-05-2008, 08:57 PM

°ˆ~*¤®§(*§*)§®¤*~ˆ°
الى ....التي .....اسمها الحب....سمراء مشاغبة....
صاحبة الأسماء واللأقنعه....وامور اخرى....ادهى وأمر.....
°ˆ~*¤®§(*§*)§®¤*~ˆ°

لو خسرتك ماخسرت العمر والدنيا متاع..
وأدري إني لو خسرتك ماخسرت إلا القليل..

بس فكر زين ..تعرف من خسر فينا وضاع..
وتعرف إنك لو تلف الأرض.. وتدور بديل..

والله إن تبطي ..ولو لفيت كل البقاع..
ولو تسوي وش تسوي ماأنت لاقي لي مثيل..

وين تلقى مثل شخصي شخص..وطباعي طباع..
ووين تلقى مثل قلبي قلب..أو مثلي خليل..

البشر واحد..نعم..لكن فرق الإنطباع..
يجعلك يمي تميل ..ويم غيري ماتميل..

يارفيقي إنتبه..!وأحسن إلي الإستماع..
للمواقف دور في كشف المزيف..والأصيل..

وأنت ماقصرت فيني ..موقفك جداً شجاع..
طعنتك بالظهر فعلاً كانت إثبات ودليل..

بيض الله وجهك اللي ساتره تحت القناع..
ورايتك بيضا معاي وياعسى عمرك طويل..

يعني أعطيك الثقه وتردها بلوية ذراع ....!
ياخي ماشاالله عليك أبدعت في رد الجميل..

مدري كيف أشكرك ؟؟مدري كيف أرد الصاع صاع؟..
كنت احسب إنك عزيز النفس..تطلع لي ذليل!!..

كم وأنا عيت أصدق فيك قدر المستطاع..
من غبائي كنت أسكت وأعذرك وأثر الحصيل؟..

جرح قلب.. ميزته في كل يوم الإتساع..
ودمع عين ينهمر من ضيقتي..في كل ليل..

والله إني كنت أحبك حب.. وأتبعك إتباع..
كنت لجل أرضي غرورك بس أسوي المستحيل..

كنت أعمى فيك..لالا كنت ميت للنخاع..
كنت مدري كيف؟ لكن كنت صادق معك حيل..

كنت أمارس في غرامي لك سياسة الإنصياع..
وكنت لاغي معك فكرة أعتزل أو أستقيل..

إندفعت بكل مافيني ..وسوء الإندفاع..
يجبر الإنسان أحياناً.. يفكر بالرحيل..

صدمتي فيك إنت..خلتني أفكر بإقتناع..
إن قتل النفس راحه لو أنا كنت القتيل..

إنفجر راسي من التفكير..وإزداد الصداع..
كيف أنا بفتك من جرحك؟؟ودوشة<<قالٍ وقيل>>..

صرت سيره في حلوق الناس وتالي هالضياع..
أنتحر!!معقول؟؟ يالله وش هذا الغليل؟؟..

رحمتك يارب لامن ضاقت امنحني الوساع..
إنت حسبي في الزمان الجاير ونعم الوكيل..

لاغدى مستقبلي والماضي أطراف النزاع..
وصفحة الماضي سواد وشيء من هذا القبيل..

فلازم أنسى لجل أنهي بداخلي هذا الصراع..
ولازم أتقوى ..عشان أحقق النصر الجليل..

اه ياربعي غصون الورد وسراب ياحلى رباع
يا خضرة القلب مجرد عنكم ما ابغى الرحيل

وطالما إن الهجوم أفضل وسيله للدفاع..
مستحـــــــــيل أرضخ لو إن الحمل ياربعي ثقيل..

والبخيل اللي نساني الحب وإشترى فيني.. وباع..
يـــــــــــذلف الله لايرده.. والله بجرحي كفيل..

اسمه الأسمر مشاغب غادر مثل الضباع
هو صايع خاين وانا طيب من عرق اصيل

وإن سأل عني..وجاكم بعد فترة إنقطاع..
علموه إني نسيته بس أنا ماني بخيل..

طالما كان السبب في قوتي.. قبل الوداع..
بلغــــــــــوه أقل شيء بخالص الشكر الجزيل..

تحية لمن غمروني بطيبتهم.....

عشوق...سراب...مجرد انسانه

رمـــآد أنثـــى · 29-05-2008, 10:36 PM

قصيدهـ رآئعه..,
يسلمــوو ..,

عديل الروح · 29-05-2008, 11:43 PM

اقتباس:

وإن سأل عني..وجاكم بعد فترة إنقطاع..
علموه إني نسيته بس أنا ماني بخيل..

طالما كان السبب في قوتي.. قبل الوداع..
بلغــــــــــوه أقل شيء بخالص الشكر الجزيل..

وش أقول لك جافا

القصيدة مهما وصفتها ما أوفيها حقة

روووووووووووووعة

وتسلم يمناج

مجرد انسانه · 30-05-2008, 07:41 AM

اختي جااااااافااااا000اخجلتني بكلماتك الرائعه00والجميله00

وكما00 عودتنا00 على روعة اختيارك للمواضيع00وطريقة00ترتيب العبارات والجمل00

وتنسيقها00لك مني كل الحب والشكر00تقبلي مروري000

أدوات الموضوع
عرض نسخة صالحة للطباعة أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري