بديت بذكر الله وصليت عالرسول وقلت اما بعد
ابشكو ظلم من خلاني المظلوم والشاكي
مساء الخير يا نفح الخزامى ويا عبير الورد
مساء الخير يا ريم الرياض ويا شمس الافلاكي
مساء الخير يا سحر العيون ويا حياء الخد
عدد كل الخطوب اللي لقتني وعيت القاكي
ترا ما اخطيت غير اني اذا اضنى فؤادي الوجد
تذكرت اذكرك في وحدتي ونسيت انساكي
عذابي كل ما جيتك يسد الدرب دونك سد
وهانت لو اقدر اسلاك لكن ما قدر اسلاكي
انا اهواكي وهوى قلبي كبير وماله حد
وليتك يوم اني انا اهواك عرفتي اني انا اهواكي
انا والله لو اغرق في بحر الهوى وامد يدي مد
ضحكتي وقلتي يمكن تصاحبك الاسماكي
طعامي لو تتركينه اتركه واشد بطني شد
شرابي لو تعافينه اقول ارضاي لرضاكي
وبنياني لو تقولين هده لحظة وينهد
ونعلي لو حقرتيه افسخه وانعل اشواكي
لكن عندي سؤال وابغى عليه منك الرد
تظنين اقدر اتصبر على هجرك وفرقاكي



اتمنى ان تحوز على رضاكم....

__________________