هلا والله با الغاليات..
ابقولكم شي صار لي انا وبنت خالتي والله على ما اقول شهيد..الموضوع طويل بس والله لمصلحتك اقريه كله..
من شهرين تقريبا رحت لمحل "زهرة مي"على طريق الملك عبدالله بالرياض <<اكيد عرفتوه..
المهم رحت مع بنت خالتي عشان نشتري عطورات المهم بدينا ندور نشم هذا لا هذا احلى وهذا اقوى ريحة المهم الين انقلبت روسنا من الروائح << المهم اخلصي علينا..
المهم لقينا عطر اعجبنا مرة اسمه "lucky moon" ان شاء الله السبلينق صح "لايكي مون" لونه العطر موف وفيه لمعة طويل ..
المهم ريحتة مرررررررة حلوة ورااايقة ..
بنت خالتي شرته تقريبا ب200 ريال بس الغريب ان العطر ماله كرتون!!
تخيلتوا معي عطانا عطر كذا بدون كرتون يوم سالناه ليه ماله كرتون قال :ان كرتونه ممنوع مدري فيه صورة ممنوعة او مدري ايش المهم من ذا الكلام..
عاد حنا صدقنا مو لازم كرتون اهم شي العطر..
المهم اهلي مرة انهبلوا على العطر كل من شمه اعجبه "الحق ينقال والله انه خيال"
المهم يوم الاربعاء الماضي طلبت من بنت خالتي تشتري لامي نفس هالعطر..
راحتى لصحارى ودخلت "وجوه" وسالت عن العطر مسكين الرجال خاف يوم شاف العطر قال : لا ما عندنا هذا عند زهرة مي او محمود سعيدبنت خالتي استغربت رده بس ما علقت قالت خلي اروح لزهرة مي دامه في صحارى..
المهم راحت لزهرة مي وطلعت العطر وقالت ابغى زي هالعطر الرجال يوم شافه قام يرش منه ويبخبخ منه عشرين مرة وكل شوي ينادي عامل معه ويقعد يرش ويشم !!
بنت خالتي قالت خلاص ترى خلصتوا العطر ما صارت..
قال لا ماعندنا زيه بس هي شكت في حركته قالت وش السالفة طبعا هو ارتبك وقال لا ما في شي بس هذا العطر غيروه!!!<<مايدخل العقل كلامه..
هي اصرت الا تقول وش السالفة بعد الطقاق والتهديد من بنت خالتي قال :
ان هالعطر مغشوش واللي يصلحة عمال مدري بنغلاديش او هنود اهم شي عمال ويبيعونه على زهرة مي ب45 ريال عاد زهرة مي يبيعونه ب400ريال!!
بنت خالتي انهبلت يوم درت وقلبت المحل هواش قال انا مالي دخل كل واحد مسؤول عن فرعه وفرع صحارى ما يجيب هالعطر المغشوش وبعدبن احمدي ربك ما غشوك بقوة باعوه لك ب200 غيرك شروه ب400!!!!
وقال بس نصيحة لا ترشين العطر على جلدك بس على الملابس من برى..
وقال ان هالعطر ريحته مميزة وكل من شراه ما يقعد فترة الا العائلة كلها تجي تطلب هالعطر"مثل ما صار معنا والله تخبلنا على ريحة هالعطر"!!
تخيلوا الوقاحة فيهم!!!!
طبعا كما هو معروف ان العطر المغشوش يسبب العقم..
عاد انا قلت هالكلام عشان احذركم من هالغشاشين واللي ما صدقت تسال عن هالعطر..
الله يحمينا جميعا..
اللهم بلغت اللهم فاشهد..
تفاعلوا وقولوا رايكم بصراحة
معليش ع الاطالة بس الموضوع مهم..

للامانه *******منقوووووووووووووووووووووووولِ

استغفر الله العظيم

__________________

مشكوووووره حبيبتي على المرور

يسلمو على القصه00

__________________
ليس من الصعب أن تضحي من أجل صديق .
.ولكن من الصعب أن تجد الصديق الذي يستحق
التضحية....
.................................

ليس الحب أن تبقى دائماَ بجانب من تحبهم
….ولكن الحب أن تبقى في قلب من يحبك..

..............................

كل شي بهادنيا بيسير الله المستعان
يعطيك العافيه

__________________

الموضوع جدا رائع
اشكرك بحراره يانعومه بالحيل
ومن جدانواع الغش بالعطور والمشكله اناأكثر وحده احب العطور شكلي قد شريت من الاشياء هذي
يسوون غسيل مخ شكلهم ارهابيين عطووووووووووور
ههههههههههههههههه


تحياتي....


البنوتـــــــــــــــــــــــــه الدلوعه

__________________

يعطيك العافية
فعلا لازم الواحد يخلى باله من كل شى يشتريه

__________________

حسبنا الله ونعم الوكيل عليهم

__________________