نصيحه يابنات ... رساله جتني على الايميل

السبعه بحور · 26-06-2008, 05:26 AM

تعرفون ان في الفتره هذه انتشرت اللابتوبات اللي فيها كاميرا
واي واحد شاري هالابتوب مبسوط فيه وراج راسنا بكاميرته
وماشي عند الناس فشخره لابتوبي فيه كاميرا

لكن اللي اغلبكم ما يعرفه انه انتشر برضو برنامج
يشغل الكاميرا بالمسنجر او السكايبي وانت ما تدري
يعني راعي البرنامج يدخل عليك ويشوفك وانت تحسب كاميرتك طافيه
والادهي والامر انه حتى الشخص اللي انت ما سويت له قبول يقدر يشغل كاميرتك عن
طريق الرسالة الفورية <<< هذه ميزة بمسنجر بلس

واللي خلاني اكتب الموضوع هالسالفة :

يوم الاثنين اللي فات كنت رايح لواحد من اخوياي

وهالولد انا افهم وش فيه من تعابير وجهة
وشفته مبين عليه الهم والغم والدنيا مو شايلته
سالته وش فيك ؟

وقالي سمعت عن البرنامج اللي يشغل كاميرا النت
قلت له ايييييه وش بلاه

قال انا يوم السبت تارك ماسنجري مفتوح واللابتوب مشغل
ورحت اتروش ورجعت ابدل بغرفتي << يعني كان عريان <<

يقول شويه واسمع صوت المسن اللي يطلع لو احد كتب لك كلام
ولما دخلت الا واحد يقولي شخبارك ومن هالكلام
وما امداه اخذ دقيقتين الا يقولي بوريك شيء .. مقطع فيديو

خويي تحمس وجا يبي يطالع الا المسكين شاف نفسه وهو يبدل

يقول خويي الحمد لله ما اغمي علي ولما اخذ وعطى
الولد قاله اذا ما تبي المقطع ينتشر ادفع لي 1000 ريال شحن سوا ترسلها لي

طبعن خويي ما وافق لانه عارف ان الولد بيرجع له مرة وثنتين و3

الولد للاسف عمره 21 ومبين عليه ( طعس ) وعاطل ومو هامه احد
حتى لما خويي قاله اتق الله فيني قاله مو شغلي ولا تفتحلي مواضيع دين

المهم ان الولد مهدد انه ينتشر المقطع
وخويي لما امس وهو مصدوم وحالته حاله وخايف

والسبب كله كاميرا اللابتوت اللي حنا فرحانين فيها
عشان كذا نصيحة مني لكم شوفو لها حل
غطوها بورقه او كسروها وجيبو وحده خارجية
او حطو عليها علك الاخيرة فكرة هنود ما تلاحظون

معقوله للدرجه هذي توصل المواصيل ..
شباب وبنــــــــــــــــات كل واحد يخلي باله من الكاميرا …

لا يشوف نفسه بكره عاليوتيوب

ّألا هل بلغت ,,,, الـلــــــــــــــــــــــــــــهم فأشهــــد ..

والله اعلم من الحقيقه وين ...؟؟؟ تعليقي

mama mama · 26-06-2008, 08:17 AM

شواقه تواقه · 26-06-2008, 10:31 PM

جزاك الله خييييييير عالتنبيه

sarab · 27-06-2008, 02:38 AM

جزاك الله خير يالغلا

ربي يعطيك العافية

وفقك الله
دمتِ بخير

لمسة ذوق · 27-06-2008, 02:58 AM

جزاكي الله خير يسلمو

تلميـذةالأيــvipـام · 27-06-2008, 03:39 AM

(،،،ـــــــبحان الله)مـن ؛؛؛ـــــوي كنـــانتكلــم في نفــس الموضوع وطبعايقولون نفس الكلام!!
أتـــوقع صحـيح لأن مافـي دخـان من غـيرنــــــار!!!

ليمونه · 27-06-2008, 04:36 AM

تسلمين يا الغلا على طرحك الهام والمهم جدا للبنات.
حبيت اوضح لك ان كلامك صحيح لانه جاتني الرساله على الايميل ، وخليت احدى اخواني التاكد من برنامج التقتط الصور عبر الجهاز الاخر . وكان مع الاسف هذا صحيح وجربه اخوي مع زملائه خلال هذا الاسبوع.
انتبهوا يا بنات ازيلو الكاميرا و استبدلو الاحهزه باخر .
لا تقولون الله الحافظ ، ونعم بالله لكن الدنيا اسباب .

بقايا جرووووح · 27-06-2008, 04:43 AM

اللهم استر عوراتنا وامن روعاتنا
الله يجزاك خير عالتنبية

أدوات الموضوع
عرض نسخة صالحة للطباعة أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري