نبدأ





أنتي وعه إذا رحتي تسلمين على صديقاتك تركضين وتبوسينهم على خدودهم ...ونسيتي مصافحة الأيدي الى حثنا عليها الرسول.صلى الله عليه وسلم.ـ




انتي وعه اذا دخلتي على ناس وبدل ماتقولين السلام عليكم..تقولين هاي!!!ـ

انتي وعه اذا طولتي لسانك على هندي ولا فلبيني.وقلتي اجنبي عاديـ



انتي وعه اذا كنتي مع ابوك ولا أخوك..واذا راح نزلتي الطرحه ولا تلثمتي!!!ـ










انتي وعه اذا طلعتي مع صديقتك وشفتيها لابسه نقاب ولا عباية راس..وقلتي لها:ماتو الي يلبسون نقاب!!!ـ







*انتي وعه اذا خصصتي الدين بس لشهر رمضان !!!ـ



*انتي وعه اذا شفتي صورة صاحبتك في سفرها برا السعوديه متحجبه وانتقدتيهاـ.



*انتي وعه اذا قالت صديقتك بروح اعتذر لصاحبتي بنكمل 3 ايام زعلانين ...وقلتي لها بلا غباء ..لا تهنين كرامتك



*انتي وعه اذا رحتي لسوق والعطر يفوح منك ..وصوت الكعب يطقطق ..والمكياج مكمل الثلاثيـ



انتي وعه اذا حكمتي على البنت من مظهرها الخارجي ونسيتي الاهم وهو الداخلـ.



*انتي وعه اذا حطيتي اسم موضوعك مقتبس من اغنية ..وكل من قراه ..بيغني الاغنيه..ولك الأثامـ



*انتي وعه لما تحطين نغمة جوالك اغنيه وتجبرين الي جمبك يسمعها ..او حتى لو كان يسمع بيقعد يدندنها في باله..فبتشيلين أثامهـ



*انتي وعه لما تعرفين علم وساكته عنه..مثل لما تطلبك بنت تخطيط محاضره.. تقولين..لأـ

*انتي وعه لما يكون عندك اختبار الساعه9 وتحطين الجوال ع المنبه قبل 9 وصلاة الفجرـ





*انتي وعه لمااتحفظين طفل مقطع اغنيه وتضحكين.... بدل ماتحفظينه سورة من القران.



*انتي وعه لما امك تكلمك ترفعين صوت التلفزيون ...ولما صاحبتك تكلمك تقصرين عليه؟؟؟ـ





*انتي وعه لما تسمعين صوت الاذان ولا تطفين الأغانيـ.



.

*انتي وعه لما يكون كل همك طلعات وأسواق ما لها أي فائده...ولا جت صلة رحم ولا دورات مفيده تطنشين..



*انتي وعه لما تشوفين مكان مليان رجال ..تتعمدين تمرين من عندهم..مع ان فيه ممر ثاني((لا وتظبطين الطرحه والنقاب!!!))ـ



* انتي وعه لما تكونين في صالة انتظار عامه ومليانه..وتجي عجوز..ومالها مكان..وما تقومين لهاـ





*انتي وعه لما تشترين كل الي نفسك فيه..وتنسين الصدقه للفقراء والايتام.





*انتي وعه لما تشترين اي بود وتملينه اغاني... ولا تحطين فيه لو اذكار.. ولا نهاية سورة البقره ولا أيه الكرسي...وينك عن حساب ربك؟؟



*انتي وعه لما تهجرين القران اكثر من 3 أيام...والنت جالسه عليه
24x24 ساعه




*انتي وعه لما تحشين عن الناس..وعن حمولتك..وتغتابين صديقاتك..



***************




* انتي حلوه اذا صرتي فاضيه تنزلين لأمك تسولفين معها توسعين صدرها.




*انتي حلوه لما تقومين من النوم وتقرين وردك ..والمغرب برضوه.



*انتي حلوه لما تجلسين بمكان عام وتقولين بصوت عالي لا اله الا الله((تذكرين الموجودين))




*انتي حلوه لما تشوفين طفل ..تعطينه حلاوه

*انتي حلوه لما تخذين كرتون مناديل ولا مويه وتحطينها عند باب مسجد.



*انتي حلوه لما تروحين انتي وصحباتك لدار ايتام ولا دار عجزه..بدل كل يوم سوق.



* انتي حلوه لما تشغلين وقتك في ..نادي ..كتاب..دوره..وظيفه..وكلها احتسبيها لله.



*انتي حلوه لما تقدمين نصيحه بأسلوب حلو. مو نصيحه تعصب بالواحد

*انتي حلوه لما أحد يسألك من وين شريتي هالشي..تقولين له المكان الصحيح..ليه الكذب وتحتسب لك كذبه..



*انتي حلوه لما تكونين راضيه عن نفسك...مو تاكلين في نفسك..لحتى ماتصيرين غير ايجابيه في المجتمع..



*انتي حلوهلما تشوفين اي وحده تبتسمين في وجهها"العاده هذي اندثرت"لدرجه لو ابتسمتي بتقول الثانيه خير وش فيها ذي اكيد فيها وشهـ



* انتي حلوه لما تسترين عيب صاحبتك ....مو تشهرين فيها

*انتي حلوه لما تكونين قدوه غيرك ..مو مثل سئ.



*انتي حلوه لما تقولين لخدامتك ولا السواق شكرا....وتهدينهم هدايا بسيطه



*انتي حلوه لما تحطين باقي اكلكم ((الرز مثلا)) بصحن بلا ستك وصحن مويه للعصافير.



*انتي حلوه لما تكونين غلطانه ..تسترين بنفسك ...ومتجاهرين بمعاصيك..عشان ماتككون المعصيه شي عادي.



* انتي حلوه لما تحكمين عقلك على قلبك..

كلمات رائعة ..
وطرح اروع ...
شكرا على الموضوع ..
الله يعطيك العافية ...


بإنتظار جديدك ..
لك ودي..

روعه منك

وتشكرات مني

انا طلعت حلوة مو وعه

نورتوا الصفحة حبيباتي ع المرور الراااقي...


بحفــــــــــــــظ الرحـــــــــــــــــــــمن...