لحظة صدق ...

زهرة السلطان · 04-07-2010, 04:12 AM

السلام عليكم ورحمة الله وبركاتة

انا بصراحه ما
ادري من وين أبدأ

أخواتي في الله

لماذا نحن نعلم حكم بعض الامور في حياتنا من ناحية الدين ولا نطبقها ..

(1)
كا العبائه التي على الكتف ؟ صار نادر ماتشوفين احد لابس على الراس يعني ما أدري ان الناس لا شوفك لابسها على الراس راح يقولو عليك هاذي جاهله ولا بدويه ولا قرويه ونسو ان العبائه ستر وليسا زينه
وليت على كذا وبس ؟ تجيك العبايه مزخرفه كأنها فستان ويمكن هي بالعبايه احلى من الطبيعة بعد والكم الموديل الفلاني

حتى اللي على الراس مخصره والنقش ما أضن ان في ناس لحد الحين ماتدري ان العبايه اللي بهاذي الصفات حرام واذا نصحتيها قالت احسن - اريح- فشيله - وصار العبايه لطلعه وعبايه لزواجات وعبايه لسوق و العذر انا بس البسها اذا سيرت ولا اذا رحت زواج ليه يعني الساتره صارت تفشل وش اللي اريح !
ربي امرك بالستر والرسول صلى الله عليه وسلم وكلنا درسنا وش المواصفات اللي لازم تكون في العبايه واللي هي
واسعه ساتره ماتصف البدن ولا فيه من الزينه شي ولاتكون شفافه والمشكله اللي يتبرجون متعلمات وعارفين هاذا الشي والعبايه ستر وعبادة مو عادة

والدنيا فانيه الواحد مايضمن عمره لو ربع ساعه وحنا في اخر الزمان والفتن صارت تطلع من كل صوب وانتو نايمين ومهملين لمتى ؟

وانتي كل يوم شاريه عبايه على الموضه مرة موديل ومره اللون ليه كذا امشي على الموضه وتفنني واكشخي بس تحت العبايه وكل اللي حواليك عارفين انك كشخه وتعرفين تلبسين ليه ماتتسترين مو انتي عذرك ان فشيله ان بيقولو عني بدويه ولا قرويه صح؟
هاذا عذركم ولا اريح ؟

(2)
الصور الرمزيه لك سوأ في الموقع ولا التواقيع ولا حتى في الماسنجر ؟
ليه نحط صور فننات يعني حب على اش على الرذيله ولا فخر
ولا صور نساء عاريات ولا صور شخصين يضمون بعض ولا ماسكين بعض
الناس لما يشوفونها راح تاخذين ذنب عليك اولاً عاريات- ثانيا فخر وتشجيع لهم المغنيات ولا الممثلات تشجيع لهم على الرذيله ولا ايثار الشهوه
شوفي عاد كم عين تشوف الصوره وكم زائر يدخل الموقع
حطي صور بس ماتكو نساء حطي ورود اي شي تدل على طهارتك ونقائك كمسلمه وانوثتك حتى
(3)
ليه صرنا نقلد الغرب في كل شي حتى ملابسهم صرنا نتعرى زيهم واذا دخلتي المجلس تشوفين الهول الفستان محفر والصدر طالع وفوق الفخذ بعد حتى الستيانه طالعه والله كثير شفت زي كذا ولا تنوره لين الركبه واذا قعدة وصلت لين نص الفخذ وش بقى تسترين
ماادري وش خلت لرجال والبنطلون اسكيني وضيق يوصف بدنها كله والامهات يتفرجون ولا يتكلمون مو هاذا حرام
يعني من التطور ولا ايش
انتي مسلمه لازم تلبسين البس المحتشم اللي يدل على انك مسلمه والعري ليسا من التطور بل من الجهل

انا متئسفه على الكلام الجارح والقوي بس من القهر اللي بداخلي وحزني على بنات المسلمين كل يوم وهم في اردى الا من رحم الله
وكل يوم وهم مطلعين عذر .. حتى الرجيل صار عايدي لما يشوف حرمته ولابناته ولا خواته بهاذا الشكل حتى وهو يعرف الحكم ماعنده غيره ابداً ويركع ويسجد لله ومحضرات في المساجد ولا حيات لمن تنادي
ولا في غيره على بنات المسلمين

هاذا واقع كل يوم حنا نشوفه في المجتمعات والاسواق والمستشفيات

انا ادري ان كلامي قوي بس لمتى وحنا نداري بخواطر الناس ونراعي مشاعرهم
اتمنى ان رسالتي توصل لأكثر قدر ممكن واتمنى انها ترسل في الاميلات يمكن في ناس ماتتأثر الا بالكلام الصريح والمباشر
وتكون سبب في هدايت احد

وهاذا والله اعلم .. اللهم اني بلغت ..
سبحانك اللهم وبحمدك أشهد ان لا اله الاا أنت أستغفرك واتوب اليك
.. أختكم زهرة السلطان ..

hadeel · 17-07-2010, 08:54 PM

فعلا معك حق
بس نحنا عنا في لبنان يلي بتلتس العباية الكل بيصير يطلع عليها اما عندكم عادي لبس العباية

اسيرة الايام · 19-07-2010, 08:58 PM

سلمــــــــــ يدآآآآآآآآآآآآآآآآآآآآآآآآآآآآآكـ ـــــــــــت
يا الغـــــــــــــــــــــــــــــلآ
تحياتـــــــــــــــــــ لك ـــــــــــــــــــي

شمس الغروب * · 28-07-2010, 08:30 AM

((كلا صحيح وهذا يدل علي غيرتك علي الدين وعلي بنات المسلمين
كثر الله من امثالك .. ))

بارك الله فيك وجزاك الرحمن الفردوس الأعلى
ووفقك لما يحب ويرضى وجعله في ميزان حسناتك
دمتي في حفظ الرحمن

نورين · 19-06-2011, 10:03 PM

كلامك صحيح يالغاليه ..... موضة العباية الكتف المزخرفه صارت موضه غير مستغربه في الوطن العربي و خاصة في الخليج بشكل عام لان الان قليل اللي تشوفينها لابسه عباية راس ساتره بدون اي نقش عليها و لاكن اقل دوله صراحه شفتها تلبس عباية كتف هي السعوديه ولاكن بدأت النساء الان يبحثون عن التطور في اللبس،،، في بالهم ان التطور يكون بالعبايه و فالغرب يغزوننا بطرق مختلفه كي يبعدوننا عن قواعدنا الأسلاميه عن طريق العبايه فأغلب تصاميم العبايات تصاميم غربيه و شوي شوي ألهم مخترعين عبايه قصيره ولى بنجابيه ولى بدون أكمام يسونها ........و أنا يبطون كبدي البنات اللي يقولون اليوم واحد غازلني قليل الحيا و الله مادري منهو اللي قليل الحيا تلبسين عبايه ضيقه و مبينه جسمك و مفصلته و فيها نقش و ماتبينه يناظر فيك و يغازلك و مستحييييل احد يغازل بنت وهي متستره ستر كامل ولابسه قفازات ....... يسعد مسا طهر البنات العفيفات اللي لعيون خوالهن كانن الشوف اللي بابوهن شامخات و عزيزات ... مافكرن بلباس غالي و نيرات ولا خصرن قدام الاجناب نفنوف مافرعن و تبرجن كل الاوقات بنات بيت اجواد ماهن رديات ترفات عز وللمعازيم قرمات متعلمات و علمهن دوم موصوف ياحظ من فاز بجدا هل الاميرات

كوتشي · 20-06-2011, 02:27 AM

كلام سليم جزاك الله خير

نسمة أمل · 13-09-2011, 06:01 PM

كلام جميل وما اجمل الصرراحه عندما تكوون ف مووضووع يداافع عن ما يمس الدين والحيااااء

باارك الله فيك
والله يهدي فتيات المسلمات ينجرفن خلف الموضاات وينسوون إنهن ع جرف هارِ

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)